620 Nukhungni 1926 Voterno Loge Tlangoi Mangal Debbarma IPFT Bodol Yakagwi Yapri Rokha BJP Bodolo

620 Nukhungni 1926 Voterno Loge Tlangoi Mangal Debbarma IPFT Bodol Yakagwi Yapri Rokha BJP Bodolo Kokmalama, 29 May 2022, Simna, Tripura:  M...

620 Nukhungni 1926 Voterno Loge Tlangoi Mangal
Debbarma IPFT Bodol Yakagwi Yapri Rokha BJP Bodolo

Kokmalama, 29 May 2022, Simna, Tripura: 

Miya 28 May salo 620 nukhungni 1926 voter bai jak garama logeyo tlangoi IPFT bodol yakagwi BJP bodolo yapri rokha IPFT-ni tangphang-yakchu Mangal Debbarma.

Mangal Debbarmani bodolno BJP-ni bana rwngrogoi bodolo lamjokha Lok Sabhani MP

machang Rebati Tripura, montri Rampada Jamatia, montri Ratan Lal Nath song. 

Iro satai klaiywk, TTAADC amchaino lagwi 'Tipraland' kothe haste biywi 2018 bisiyo BJP bodol bai kathailaiywi haphang achokmani

bisibrwi pwngmani olobo 'Tipraland' mananilai emangkhose. IPFT montri, MLArok tabokbo 'Tipraland'no lagwi Assemblygo resolution/bill tisagwi kok samani nujakyakho ebakhlai resolution /bill pass khlaimani nujakyakho!

Iboni bisingyobo montri N.C Debbarma bodol bai kacham montri Mevar Kumar Jamatiani kainoi IPFT bodol kokbanglaimani olo IPFT-ni 'Tipraland' bimwngni thinang tabok barikhlai kochorjak.

IPFT-ni 'Tipraland' bimwng tabok bari uanamasangcha! AGS Mangal Debbarma 'Tipraland' bimwngno khibiywi tabok 'Greater Unity' daiyo yapri rogwi Tiprasa hamkraini bagoi tma

samwng khlaimano, ibo tabok naisinglaijak tongkosong tongnai hasteni lukurok.