Chong Roni Thangoi Hanang-Pinang Khlaijakkha Chukuchi Omorni Chakra Salil Debbarma Kokmalama, 25 June 2022, Agartala: thangnai 23 June salo ...
Chong Roni Thangoi Hanang-Pinang Khlaijakkha Chukuchi Omorni Chakra Salil Debbarma
Kokmalama, 25 June 2022, Agartala: thangnai 23 June salo Assemblyni kaibrwi bwkcha achokthaini chongbari tongkachangni bisingtwi paiphabo kisamisa patimwngrok barikhlai selengmasangcha aro khasajaknai. Sakni chongno roni thangoi bisichukuchu omorni chakra Salil Debbarma samwngsitra tangnairok bai choprojakni nangkha.
Ambedkar Boys Hostelgo sakni chong roni thangtaniyo khorokchi-chinoi samwngsitra tangnairok bai lama kasojagoi hanang-pinang khlaijakkha. Khaklabo songkojakkha, basakni kubai sichijakni naijakkha. Olo basala chlaknoi phaiywi yak rwngoi larwgoi bini sak dukho manani aro patimwng gara patinani jiming yogo. Iboni olobo bo bini chong rothaino rogoi phaiywk. I patimwngni koktma social mediago lwkmani olo hasteni lukurok selengmwng phunuka. Twmwi hinba Tripura hasteni chongbarini laibumago ibotwi jati patimwng uaisabo ongjiya. Hastego lukuraida krwi ibo arobo uaisa sraicha ongkha. Bo jesa bodolno chajaknai chajakya iboto bini rightse. Arai hinoi khorokcha chakra sakni chongno roni thangtaniyo ibotwi khlaimani bari chaiya!
No comments