IPFT Bodolni Thinang Boro? ‘Greater Tipraland’no Chajagoi Phainai 2nd Julygo IPFT Bodol Yapri Ronai Tipra Mothago Kokmalama, 25 June 2022, ...
‘Greater Tipraland’no Chajagoi Phainai 2nd Julygo IPFT Bodol Yapri Ronai Tipra Mothago
Kokmalama, 25 June 2022, Agartala: IPFT (Mevar) bodol bobagra Pradyot Kishore Manikyani thain-chani khorang aro Greater Tipralandno loge rogoi phainai 2nd July salo hasteni chorok divisionni ojamarokno twbwiywi Tipra Motha ni bana rwnglaisinai hinoi Agartalani Chandra Mahalgo IPFT Central Committeeni kokchaplaima panago kokchapjakkha hinoi press meetni bisingtwi saklaikha IPFT Central Committeeni tangphang Dhananjoy Tripura. Bini logeyo tongwk tangphang yakchu Adv. Mintu Debbarma, twiphang-yakchu Jibanjoy Reang, Youth IPFT, IWFT-ni ojamarok.
Bok press meetgo arobo saka, IPFT bodolbo biywk Tipraland, Tipra Mothabo biywk Greater Tipraland. Chini bimwng kaisano, ha kothe biywk. Chini bimwng thaincha aro miliywk. Aini bagoi bobagrani thaincha aro last fightno loge rolaini bagoi Tipra Mothago yapri rolainai hinoi IPFT Central Committeeni kokchaplaima panago kok chapjakkha. Phainai 2nd Julygo IPFT-ni chorok ojama aro chorok division committee, bedek-buprano lagwi Tipra Mothani bana rwnglainai. Aini bagoi phainai 2nd July salo Tipra Mothani bana rwngma panago chorok adongrokno phaiywi majakni bagoi khabai khuk bai haido khlaika IPFT-ni tangphang Dhananjoy Tripura.
Iro satai klaiywk, phainai 2023-ni Assembly chongbari smarwk-smarwk hasteni politicsni grwng slaijakrwk-slaijakrwk. 2023ni chongbariyo Tipra Mothano khibiywi saichung sak kaisa haphango achoknani uansokmani ibo bana emang simingse. Twmwi hinba Tipra Mothano khibiywi jesa bodol Tripura hastego haphang achoknani iswkbo klaisaya! Haphango achokni hinklai jesakhlaiphabo Tipra Motha bai aphak ongni nangnai, I kok Tripura haste gnangoi thaincha aro bobagrani phaichingo lukurokni naikhomwngni darago bijijago.
No comments