19 December 2023, Khumulwng: Tini poila TIPRA IDOL 2023 bataimwngni Grand Final songchajaknai Khumulwngni Syndicate Groud daiyo. Tini diphr...
Satai klaiywk, TTAADC hapangni kokthum-hukumu aro beraikhiri tangbedekni chaitokmani poila ‘TIPRA Idol 2023’ bataimwng songchajakkha thangnai 15 Novemberni siming. Iro kaichar Zonalni audition daiyo khorok brwi ra (400) batainairok bataiphaika.
Iboni bisingo saiywi lajakkha khorok brwichi. Iboni bisingo Khumulwngni Nuai Auditorium Hallgo haste beremni Gala Round, Theatre Round, Semi Final Round songchajakkha. Paithago khoroksni batainairok Final Roundgo kasaka. Final Roundgo kasajakrokni bisingo tongwk- Meheli Debbarma, Priya Jamatia, Susmita Debbarma, Ishita Tripura, Rupes Debbarma, Rahel Koloi aro Basrang Debbarma.
Tini Final Round songchajaknai Khumulwngni Syndicate Ground daiyo. I bataimwngo kaplai ongnaino rang khok rasai (1 lac) aro scooty yapharjaknai. Noi berem ongnaino rang khok bachisai (50,000) aro tham berem ongnaino rang khok noichibasai (25,000) yapharjaknai. Bini badebo Top-10 daiyo tongrwknai khorokchi batainairokno Guitar yapharjaknai.
I Final Roundni bataimwng panago hani bobagra Pradyot Kishore Manikya phai majaknai. I Final Round batai-mwngo chorok batainairokno aro lukurokno phai majakni bagoi haido khlaika TTAADC-ni kokthum hukumu aro beraikhiri bedekni samwng chariphang Suhel Debbarma. Thangnai 15 Dec. Khumulwngni bini habanogo kokthum pana ringyoi i koktmano saklaikha chariphang adong. Kokthum panago phai majakkha Addl. CEO Subal Debbarma aro kokthum hukumu tangbedekni PO Chitta Debbarma.
No comments