18 November 2023, Agartala: sakni tongthai hago, achaima hago sinimwngni biyal nujagoi tongwk Tripura dophani. Tripura hastego Tripura dop...
18 November 2023, Agartala: sakni tongthai hago, achaima hago sinimwngni biyal nujagoi tongwk Tripura dophani. Tripura hastego Tripura dophani sinimwngno swkmwknani bagoi chaitoklaimani salni slai sal bangsai tongwk. Iboni ulugo sororokni yak krwngjak tong, ibono rutugwi nainani sophaika jora.
Tripura dopha ongkha Tripura hasteni soi soi kaisa habasa (indigenous) aro i Tripura dopha chini dangaima dangaiphani jorani siming sakni sinimwngno Tripura, sakni kokno Tripura kok hinoi khakagwi, sinimwng magwi, borom magwi phaimani. Mator tabok sakni hagose Tripura dophani sinimwngno oroi poroi khlaimani nujagoi tongwk.
Tribal Welfare Department bai naikoljak Tribal Research and Cultural Instituteni Tribal Gallery ebakhlai Museum daiyo, Tribal Research and Cultural Instituteni official website daiyo Tripura dophani sinimwngno, kangmwng chungmwngno Tripura hinoi suiyagwi Noatia hinoi suiywi lachimasangcha khlaika.
Tripura hapangni bodolni bedek bai naikoljak Agartalani Oxygen Park daiyobo Tribal Gallery snamjakthanigo Tripura/Tripuri daiyo Tripura dophani kangmwng chungmwngno roya bade beni kangmwng chungmwngni pilik (photo)no rogoi rojak. Ibohaikai Tripura dophani sinimwngno swkmanani naimani nujakkha.
Tripura Central Universityni Department of Tribal and Ethnic Studiesni Tribal gallery daiyo Tripura dophani Rinai Risa kangjak chungjak sikla-chaklini pilikno Tripura hinoi suiyagwi Noatia hinoi suijak. Ibobai sai-sai srwngnairok Tripura dophani sinimwngno chaiyakhlai kokthum srwngwi tongwk.
TTAADCni Tribal Museum daiyobo Tripura dophani kangmwng chungmwngno Noatia hinoi lachima khlaiywi phunujak.
Tribal Research and Cultural Institute aro ICA bai karekak kabangma bijaprogo Tripurarokno Noatia hinoi lachimasangcha khlai suiywi phunujak. Ibo haikai kokthum korokuthuni bisingtwi Tripura dophani sinimwngno swkmwkmani naimani salni slai sal bangoi tongwk.
Ibo badebo 2016 bisigo Tripura Universityni Kokborok bedekni Head of Department Dr. Sukhendu Debbarma bai kokmithingjak hagara beremni bijap 'People's Linguistic Survey of India, Vol.28, Part-II, The Languages of Tripura' daiyo Tripura dophano Noatia hinoi suiywi haiyongni daiyo barikhlai lachimasangcha khlaijakkha. Bo i bijapni page no.129 daiyo ibohaiklai suika---
“Tripura, also referred to as Noatia, is also spoken in present-day Eastern Bangladesh.”
Ibo haiklai hasteni kisisa sijak-nujak lukurok, suikrwng , uansokrwng, yago rangkho-pwicha gnang, Agartala amchaiyo nok-hok, paka dolan tangoi yakong musugwi cha chagwi samwng krwi ongjaknairok Tripura dophano lagwi barikhlai hamya khlainani samwng tangmani nujagoi tongwk.
Paithago Tripura dophano lagwi ibotwi jwngjal arobo garakhlai nujakkha, thangnai 15-17 November saltam jora rwngwi Tripura haste hapangni Tribal Welfare Departmentni bwkhaktwi songchajak 'Janajatiya Gaurav Diwas 2023' tero. Sukrugwi sani thangkai, Bhagawan Birsa Mundani bisi sara brwichichar achaima sal rwgwi haste hapangni Tribal Welfare Departmentni bwkhaktwi Agartalani Astabal thwngkholago 'Janajatiya Gaurav Diwas 2023' ter songchanani bagoi samwng jugaljakkha. I tero hasteni chorok Scheduled Tribes daiyo khopjak dopharokni kangmwng-chungmwng, masamwng, rinai-risarokno naithotok khlai phununani bagoi photo gallery snamgoi Astabal thwngkholago darikhlai achokrojakkha aro bannerbo khachijakkha. I daiyo hasteni chorok Scheduled Tribesni sinimwngrok achokthai makha mator barikhlai kha khammani kok ongkha, i tergo Tripura dophani kangmwng chungmwng ebakhlai sinimwngno tisagwi phunujakliya! Sani thangkai I ter songchanaini mokolo Tripura dopha Tripura hasteni habasaya!
Iro Tripura hani Scheduled Tribes listni Sl. no.18 daiyo tongnai Tripura/Tripuri/Tipperah daiyo soi-soi Tripura dophani sinimwngno royabade arokothe dophani sinimwngno rogoi rojak.
I banner aro photo gallery social mediago viral ongoi kabangma swngmwng achaikha, i banner aro gallery daiyo Tripura dophani kangmwng chungmwngni sinimwng boro kmakha?
Tripura dophani lukurok ibono nugwi barikhlai kha khamjakkha. Bana Tripura dophani lukurok simingya haste chorok habasarok Tribal Welfare Departmentni ibotwi sak nangya tongmwngno nugwi khorang tisalaini chengkha.
I patimwngno lagwi Tripura dophani Deputy Naran ebakhlai Hakutoisa Moyalni Pomang machang Burba Mohan Tripura bo 14 November salmarigo social mediani bisingtwi khorang tisaka. Bo kasa--
"এ রাজ্যে জনজাতি তালিকার মধ্যে ১৮ নং ক্রমিক নম্বরে সব সময় বিতর্ক জড়িয়ে যাচ্ছে। ত্রিপুরা/ত্রিপুরী উল্লেখ আছে।কিন্তু এক শ্রেণী যেভাবে স্থান পাচ্ছে আরো এক শ্রেণী বঞ্চিত হয়ে যাচ্ছে। যারা নামের শেষে ত্রিপুরা উপাধি লেখেন তারা কোন জায়গায় পরিচয় পায়নাই। শ্রী রেবতী ত্রিপুরা, শ্রী রতন মনি ত্রিপুরা, শ্রী শ্যামাচরণ ত্রিপুরা, পায়েল ত্রিপুরা তাদের বংশধরের ছবি কোন জায়গায় স্থান পাইনি। এখানে জনজাতি কল্যান দপ্তরের দোষ নেই। দোষ শুধু তাদের, যারা এ কাজের সাথে জড়িত আছেন।এখানে ত্রিপুরা জনগোষ্টির ছবি দিলে মহাভারত অশুদ্ধ হবে নাতো?".
Haste beremni ibotwi panago Tripura dophani sinimwngno knoromani aro huiywi tongmani patimwngno lagwi khorang tisaka Bangladesh hagarani suikrwng ebakhlai Rangamati Public Collegeni Assistant Professor machang Mukul Kanti Tripura. Bo saka--
'ত্রিপুরা' নামের মধ্যে নিহিত আছে এক ঐতিহাসিক গৌরব, 'ত্রিপুরা' ভাষার মধ্যে নিহিত আছে আমাদের প্রাচীনত্ব, 'ত্রিপুরা' সংস্কৃতির মাঝে নিহিত আছে আমাদের স্বকীয়তা। তাই 'ত্রিপুরা' নামটিই আমাদের প্রধান পরিচায়। যাঁরা আইডেন্টিটি ক্রাইসিসে ভোগে তারা এখনও নিজেকে 'ত্রিপুরা' জাতির একজন সদস্য হিসেবে মেনে নিতে পারে নি। অথচ ত্রিপুরাদের পরিচয়গত নীতি নির্ধারনীতে তাদেরই কলম চলে। তাই সবক্ষেত্রে 'ত্রিপুরা' নামের প্রতি নৃশংস হত্যাযজ্ঞ চলে রীতিমতো। জাতির নামকরণের ক্ষেত্রে এবং ভাষার নামকরণের ক্ষেত্রেও 'ত্রিপুরা' নামটি মুছে ফেলার এক গভীর ষড়যন্ত্রে লিপ্ত তারা। আর এই গভীর ষড়যন্ত্রে পা দিয়ে আমাদেরই বাংলাদেশ ও ভারতের কিছু স্বার্থান্বেষী মানুষ ফায়দা লুটতে ব্যস্ত। তাই প্রতিবাদ হোক সবখানে। 'ত্রিপুরা' নামের জাতিগত পরিচয় বেঁচে থাকুক যুগের পর যুগ"।
Tripura hasteni Tripura Writers' Forum, Central Committeeni tangphang machang Tayel Tripura bobo i patimwngno lagwi khorang tisaka aro barikhlai kha khammani kokno khurchagwi saka. Bo saka--
"The Constitution (Scheduled Tribes) orders (Amendment) Act, 2022 (No.9 Of 2022) (List of Scheduled Tribes) এর SL. No. 18-তে ত্রিপুরা রাজ্যের ত্রিপুরা জাতির পরিচয় Tripura, Tripuri or Tipperah নামে জলের মতো পরিষ্কার করে উল্লেখ করা আছে। এখানে কারও কনফিউশান থাকার কথা ছিল না। এই Tripura, Tripuri or Tipperah-এর খাঁটি উচ্চারণ হল 'Tipra' (তিপ্রা), যাহাকে মহারাজা প্রদ্যুোত কিশোর মাণিক্য তাঁর একটি আঞ্চলিক পার্টির নামের মাধ্যমে বিশ্ববাসীর সামনে তুলে ধরতে চেষ্টা চালিয়ে যাচ্ছেন।
আগামী ১৫ থেকে ১৭ই নভেম্বর, ২০২৩ ইং, আগরতলার আস্তাবল ময়দানে তিন দিনব্যাপী ভগবান বিরসা মুণ্ডার (১৫ নভেম্বর ১৮৭৫- ৯ জুন, ১৯০০) ১৪৮ তম জন্মজয়ন্তী দিবস উপলক্ষে 'Janajatiya Gaurav Diwas' পালিত হতে যাচ্ছে। উক্ত অনুষ্ঠান যেহেতু জনজাতিদের নিয়ে তাই রাজ্যের সকল জনজাতিদের পরিচয়ের একটি ফটো প্রদর্শন করাটা খুবই জরুরি। যথারীতি প্রদর্শিতাও করা হল। কিন্তু চক্রান্ত তো আর থামিল না। দেখা গেছে সংস্কৃতির বৈষম্য। Tripura, Tripuri, Tipperah এর জায়গায় দেববর্মাদের পোষাকে যুবক-যুবতীর ছবি দিয়ে ত্রিপুরাদের সংস্কৃতিকে মাটি চাঁপা দেওয়া হয়েছে। যাদের ST তালিকায় কোনো উল্লেখ নেই। এই বিষয়টি Tribal Welfare Department, Govt. Of Tripura অতিসত্তর সংশোধন করা উচিত। দেববর্মা এবং ত্রিপুরাদের আলাদাভাবে দেখান না এতে কি অসুবিধা আছে। তাতে উভয় অংশের মানুষ খুশি হবে"।
I patimwngno lagwi Bangladesh hagarani Tripura dophani srwngnairokni motha 'Tripura Students' Forum, Bangladesh', Central Committeeni tangphang machang Anjulal Tripura bobo social mediani bisingtwi khorang tisaka. Bo saka---
"ত্রিপুরা জাতি যেমন সত্য, ত্রিপুরা রাজ্যও সত্য। ত্রিপুূরা রাজ্য যেমন সত্য, তেমনি ত্রিপুরা ইতিহাসও সত্য। ত্রিপুরা ইতিহাস যেমন সত্য, তেমনি ত্রিপুরা ভাষা,ঐতিহ্য ও সংস্কৃতি সবই সত্য। এইটাকে সিস্টেম করে উড়িয়ে ফেলা এতোটা সহজ নয়। এইটা বুঝলে সকলের জন্যই মঙ্গল"।
Ibotwikhlai social media ganngoi khorang tisajakmani olo paithago 15 November salni sare atlogo, pana chengnani kisa jora sakango hasteni Tribal Welfare Department sakni chaiyano sagwi manoi Tripura dophani kangmwng chungmwng bai pilikrokno photo gallery snamgwi, banner snamgwi Astabal thwngkholago achokrophaiywk aro khachigwi rophaiywk.
Tabok kok ongkha, sakni achaima ha, tongthai ha Tripura hastego Tripurarokni sinimwngno swkmwknani, swkmanani, huiywi tongnani bagoi khokjak-huijak, thare-bare khlai soroni yaktwi ibotwi samwng-homwng khlaijagoi tong? Tripura dophani sinimwngno Tripura dopha hinoi rothanigo sororokni bokhorogo thwk uarjak? Ibo tabok hasteni lukurokni swngmwng. Tripura dophani sinimwngno naisleywi ibotwikhlai raida chaiyatwi samwng tangnairokno rutugwi kareni nangnai aro hapang bini sakago krak majra roni nangnai. Aiyakhlai Tripura dopha jonom, chorok jegago hanang-pinang khlaijakmani thakglak hinoi sinijak nujak lukurokni khorang.
No comments