Phainai 8 October Lukurokni Bagoi Phiyogoi Rojaknai EK PYAAR KEE DASTAAN Webseries

4 October 2023, Agartala: jesa samwngo phariya hinmani krwi, rwngya hinmani krwi, aini bagoi nango bana khani phran.  Tripura hastego tabok ...

4 October 2023, Agartala: jesa samwngo phariya hinmani krwi, rwngya hinmani krwi, aini bagoi nango bana khani phran. 

Tripura hastego tabok Film, Music ebakhlai Entertainmentno lagwi srwngnani bagoi iswk gam sepsap krwi. Ai hinoi tma Film, Music Video, Web Series, Drama, Short Film khlaiya tongnanibo kokya. Jani je pharitwi tabok Tripura hastegobo Entertainmentni samwngo yak rojagoi tongwk.

Tabok hastego Film, Music Video, Short Film jora jorago kisamisa snamjakphabo Web Series krwino hinoimano. Bana kaisa kaisu simingse.

Iboni bisingo bari khatongmani koktma ongkha phainai 8 October salmarigo 'EK PYAAR KEE DASTAAN' bwmwngoi Web Series phiyokjaknani thangoi tongwk.

GALAXY PRODUCTION bai snamjak, Samrat Debbarma bai kothoma suijak aro Swarup Debbarma bai kokmithingjak i 'EK PYAAR KEE DASTAAN' 8 October salmarini siming lukurok nugoi manai. 

I Web Series daiyo Samrat Debbarma, Saloni Debbarma, Ruma Debbarma aro Swarup Debbarma songni rwngmwng, pharimwng, khakamwng, hamjakmwng bai twiduljak actingrokno chwng nugoi mannai.

I Web Seriesni kothomano jai-jai khlai naithokrogoi Camera aro Edit khlainai ongkha Stephen Debbarma.

Tabok i Web Seriesno naina bagoi lukurok kha logoi naisinglaijak, baiphugo phiyogoi rojakno hinoi.