Tripura Dophani Hodaraidarokno Lagwi Kokchaplaima Pana Songchajakkha Chawmanugo

Nokphang September 25, 2023 Tripura

25 September 2023, Chawmanu : kaisa dopha sinijago bini sirisitini hodaraida, tongmwng-chamwng, kok-kokrabai, laibumarokno lagwi. Aini bagoi...

25 September 2023, Chawmanu: kaisa dopha sinijago bini sirisitini hodaraida, tongmwng-chamwng, kok-kokrabai, laibumarokno lagwi. Aini bagoi jora slaijakmani loge loge sakni sirisitini hodaraidaroknobo gamkhlai rwngoi larwkni nangwk.

Tripura Dopha haiyongni kacham dopha hinoi sinijakmani bai bini hodaraidarokbo barikhlai krak. Chini dangaima-dangaipha, chingchongma-chingchongphani siming manegwi palaiywi phaima hodaraidarok tabokbo Tripura dophani bisingo nujagwi tongkho aro i raidatwino Tripura dopha naikoljagoi tongwk.

Tripura dophani sirisitini hodaraidarokno krak khlai rwngwi larwknani, mwthangwi larwknani aro i raidatwino dophani lama hinmani bagoi thangnai 23 September salmarigo Dhalai Districtni Chawmanugo kaisa kokchaplaima pana songchajakkha.

Iro Tripura Chubalai Buthu, Central Committeeni rangphang Damodhar Tripura, Gobindabari Moyalni Pomang Birendra Tripura, kacham MLA Nirajoy Tripura, kacham MDC Champarai Aslong, amchaini Roaja aro sijak-nujak okra-chakrarok thangoi majakkha.

No comments

Subscribe to: Post Comments (Atom)