24 September 2023, Gondatwisa: 44-Raima Valley Assembly chongbari achokthaini Ratannagarni siming Twichakma thangmani lamani grwng barikhla...
Hapang phaiywk thangwk, chongbari kore ongkhlai political bodolni ojamarok arai ronai urai ronai hinoi hamwng-siniya kok gam gam sa-sagwi lukurokno baneywi, phemlogwi tong-kosong tongnai lukurokni daiyo voteni birka bilaiywk. Ibotwikhlai chongbarini jorago hamkraini kok sanairokno aro naiywi nulaiya. Parani lukurok braikhlai jwngjalgo klai tong-kha ibono aro naithangliya. Sagwibo khnajakliya !
Gondatwisa amchaini Ratannagar bai Twichakmani lama bisi kwdwkna jora rwngwi lama hamya, lama kuakjak, lama kuakjak, lama haplwimang, gogla chajak. I lamatwi malkhong thanglaiso khlaithanigo barikhlai krimasangcha. Jephruphabo i lamagwi malkhong deragwi lukurokni langma chogwimano.
I amchaiyo bana lama hamya bai siming thakya, lwngjaknai twini biyal, gam rwngsrwng manani sep krwi, sakgamnogobo bithi-uathi gam krwi, chwngpherangni sep krwi ibotwihai kabangma jwngjal bai kwplwng o Tiprasa lukurokni amchai. I amchaini lamano gamkhlai snamrodi hinoi amchaini lukuadong, SDM, BDOni daiyo uaireuai sajakmani olobo amchaini lukurokni kok khnajakya. I jwngjalno lagwi tabokni 44-Raima Valley achokthaini MLA Nandita Debbarma Reangno sagwibo mwngsa yapri semani nujakya. Ibo simingya, Lok Sabhani MP bobo o Gondatwisa amchaini ongoibo jora kalokma rwngoi i lama jwngjalni koktma sagwi manoibo snamgwi roya hinoi amchaini lukurokni kok silchamwng.
Aini bagoi I amchaini tongkosong tongnai lukurok tabok barikhlai jwngjalgo klailaijak. Bana chongbariphu voteni birka bima simingya, amchaini lukurokni jwngjalnobo gamkhlai naini ongthwk, jwngjalno daktwi daktwi paisokroni ongthwk hinoi o amchaini lukurok jonom khorang tisalaijak, bimwng bilailaijak.
No comments