27 September 2023, Agartala: NSUI Tripura haste twiphang Samrat Royno bini achokthaini kareywi rokha NSUI National Committeeni phaisingtwi. ...
Thangnai 25 September salmarigo NSUI National General Secretary ebakhlai hagarani tangphang Anushesh Sharma kaisa Press Release ebakhlai koktma auaimani bisingtwi NSUI Tripura haste twiphang Samrat Royno bini achokthaini kareywi rokha romani kokno saklaikha.
Bodolno lagwi bini jai-jai khlai sak nangya ongmani tongrwngni bagoi bono I achokthaini kareywi rokha hinoi koktma auaimwng balai daiyo khurchaka.
Khurchathai klaiywk, Kokborokno Roman Script bai gosemwng biywi thangnai 28 August salmarigo TSF bai ringjak 12 hoursni Tripura bandhno khaphurjakmani kokno 27 August salmarigo social mediani bisingtwi saklaimani aro dadak-sidak TSF bodolno chubamani olo NSUI Tripura haste twiphang Samrat Royni sakago Congress bodol barikhlai thamchi kalaimani nujakkha. Bono iboni bagoi bodolni phaichingtwi show-causebo rojakkha hinoi koktma.
Paithago Samrat Royno bini achokthaini kareywi rokha. Bono bini achokthaini karegwi romani bai tabok NSUI Tripura haste bodolni bisingo barikhlai tongphlalaijak hinoi koktma. Kokborokno Roman Script bai gosemwng bimwng bai TSF bai ringjak 12 hoursni Tripura bandhno khaphurjakmani kokno saklaimani aro dadak-sidak chubamani bagoi bono bini achokthaini kareywi rojakkhna hinoi sijak-nujak lukurokni uansokmwng.
Samrat Roy thangnai 27 August salmarigo social mediani bisingtwi TSF bai ringjak 12 hoursni Tripura bandhno khaphurjagoi saklaimani kok ----
"ত্রিপুরার জনজাতি সম্প্রদায়ের নাগরিকদের বহু বছরের দাবী ককবরক্ ভাষাকে রোমান হরফে আত্মপ্রকাশের দাবী।এই দাবী তাদের সাংবিধানিক অধিকারের আওতাধীন এবং এই দাবীকে সামনে রেখে জনজাতি ছাত্র ফেডারেশন তথা TSF এর উদ্যোগে আগামী ২৮শে আগষ্ট ২০২৩ ,সোমবার, ১২ ঘন্টা ত্রিপুরা বন্ধের ঘোষনাকে নৈতিক সমর্থন জানাই ।
এই বন্ধ শুধু জনজাতির বন্ধ নয় ,এই বন্ধ সবার, জাতি-জনজাতির সমন্বয়ে সবাই মিলে এই বন্ধকে সমর্থন করে সফলতার রুপদান করবে ।"
Bo Kokborok baibo saklaikha---
"Roman script baino kokborok no swijaknani sanmungo Tripura students Federation (TSF) bai saklaijak phainai 28 August salmarini Bandh no khaphurmani saklai o Ag bw support khy o Roman script ni sanmungo 28 August salmarini jotto samsung bwtangno koktwma Awaimung khkaimani bisingtwi chubachu khulainani bagwi ag bw support khy o humbai".
27 August salmarigo TSF bai ringjak 12 hoursni Tripura bandhno jai-jaikhlai khaphurgwi chubanani bagoi Congress bodolni MLA Birajit Sinhani twidulmwng bai kaisa kuthunglaimwng kokchaplaima panabo songchajagwk. Irobo thangoi majakjak Samrat Roy. Bo ibono social mediani bisingtwibo lukurokno saklaijak.
28 August Bandh ringjakma salgobo TSUI ni adongrok TSF bai baksa lamago akhogwi Bandhno chubalaimani nujakkha.
Kokborokno Roman Script bai suinai gosemwng biywi TSF srwngnai bodol bai ringjak 12 hoursni Tripura Bandhno jai jai gamkrwngkhlai pairomani bagoi Press Meetni bisingtwi hasteni lukurokno khagam yapharka NSUI Tripura haste committee. Bo saka--
"রোমান হরফে ককবরক্ ভাষার স্বীকৃতির দাবীতে সমর্থিত,TSFএর ডাকা বন্ধকে কেন্দ্র করে ভয়ে তটস্থ সরকার ।রাষ্ট্রশক্তিকে কাজে লাগিয়ে জনজাতিদের আন্দোলন বন্ধ করতে ব্যর্থ প্রয়াস চালাচ্ছে । এই আন্দোলন থেমে থাকার নয়,এই দাবানল নিভে যাওয়ার নয়,কতজন জনজাতি গ্রেপ্তার বরন করলে রোমান হরফে স্বীকৃতি পাবে ককবরক ? হাজার নয়, লক্ষ লক্ষ জনজাতি গ্রেপ্তার হতে রাজি ।"
#We Want Justice #Justice For Twiprasa
No comments