28 September 2023, Agartala: Kokborok kok Tripura haste hapangni kok hinoi 19 January 1979 bisigo gosejakmani olo hapangni chorok samwng-hom...
28 September 2023, Agartala: Kokborok kok Tripura haste hapangni kok hinoi 19 January 1979 bisigo gosejakmani olo hapangni chorok samwng-homwngo phnangnani bagoibo saklaijakkha. Ibo simingya, Tripura Upajati Bhasha Commissionni raida rwgwi hapangni sebok khlainai aro Kokborok saya dophani lukuroknobo Kokborok srwngroni bagoi hapangni phaichingtwi sep snamgwi rokha.
Tripura hapangni Directorate of Kokborok and Other Minority Languages ebakhlai Kokborok Tei Kubun Borok Bangthaya Kok Dagikhongni phaichingtwi tabok nokha taldokni Kokborok Course phrwngjagoi tongwk hapangni sebok khlainairokni bagoi.
Ibotwikhlaino thangnai 26 September salmarigo 'Directorate of Kokborok and Other Minority Languages'ni habanokni Conference Hallgo songchajak kaisa panani bisingtwi "Kokborok Learning Course" srwngwi paijakrok khorok noichichuku hapangni sebok khlainairokno Certificate yapharjakkha. Bok March 2023ni siming August 2023 jora nokha taldok Kokborok Learning Course srwngkha Umakanta Academy Learning Centre daiyo.
O khorok noichichuku Kokborok Learning Course srwngnairokni bisingo khoroktam ongkha Kokborok saya dophani borok. Bok ongkha Shanti Natta, Shanti Ranjan Bhattacharjee, Shankar Narayan Bhattacharjee. Arorok chorokno Tiprasamang.
Chandra Rekha Debbarma, Shyamali Debbarma aro Tandra Debbarma bok 94.5% khlai jotoni salai kabang number makha.
I Certificate yapharma panago Rwngbedekni tangphang Saradindu Chaudhury, dagephang yakchu Sabyasachi Singh, TCS Gr-II, OSD Susanta Debbarma, Research Officer Nirmalya Bhattacharya song phai majakkha aro bokno certificate balai tisagwi rokha.
No comments