BRU LITERATURE CONFERENCE SONGCHAJAKNAI PHAINAI 28 SEPTEMBER

13 September 2023, Kanchanpur: Reang ebakhlai Bru dophani amani kok ongkha Kaubru. I kokbruno Tripura hasteni kok hinoi gosemwng biywi Bru d...

13 September 2023, Kanchanpur: Reang ebakhlai Bru dophani amani kok ongkha Kaubru. I kokbruno Tripura hasteni kok hinoi gosemwng biywi Bru dophani lukurok jora kalokma rwngoi bimwng biywi khorang tisalai phailaijak. Ibo simingya, Kaubruno bai hasteni rwngnogo phrwngnani bagoibo Assemblygo kok tisajakjak. 

Hastego Kaubru Sahitya Academy khajakmani olo Kaubruni hamkraini samwng homwngrok arobo gamkhlai tangjakni chengwk.

Hasteni kothe kok hinoi gosemwng bithanigo Bru kokrabaini samwng homwngno lagwi kokmalama salaini bagoi kokmalaima pana ebakhlai conference songchanani bari nangsogo. 

Aini bagoi BRU SAHITYA ACADEMY, Kanchanpur Regionni chaitokmani bai phainai 28 September salmarigo North Tripura Hangkorni Kanchanpurgo Kaubruni kokrabaino lagwi BRU LITERATURE CONFERENCE songchajaknai.

Bru dophani kokrabaini hamkraini bagoi jai-jai samwng charogoi tisani bagoi Bru Sahitya Academy bai songchajak i kokmalaima panago phai majakni bagoi Bru Sahitya Academy, Kanchanpur Regionni ongoi haido khlaika machang Krishiran Reang bai machang Rejendra Reang (Para Chowdhury).