29 August 2023, Teliamura: haste hapang nesha mukta haste snamnani bagoi jonom samani samani khnago, mator i nesha mukta haste snamthanigo k...
29 August 2023, Teliamura: haste hapang nesha mukta haste snamnani bagoi jonom samani samani khnago, mator i nesha mukta haste snamthanigo kebengoi tongwk drugs phalnai aro chanairok.
Tabok Tripura hastego drugs phalnai bai chanai salni slai sal bangmani nujagoi tongwk.
Thangnai jora kalokma rwngoi Tripura haste hapangni nesha mukta haste snamnani emangno mwkthang khlaithanigo kharogoi samwng khlainairokni bisingo Police Officer Prasun Kanti Tripurani bwmwng jotoni salai sakango khurchajagwk. Bini chaitokmani bai takkaisa hastego uaire-uai drugs ebakhlai phekjaknai phalnai aro chanairokno rutugoi karemakha aro rombo rom makha.
Miyabo, Teliamura Sub-divisionni SDPO Prasun Kanti Tripura, TPS-ni chaitokmani bai Teliamura PS amchaini Manikbazar, Khasiamangalni phekjaknai manoi phalnai bisi brwichi omorni Ranjit Debbarmano rommakha. Bini logego majakkha 39 vials brawn sugar aro cash rang 1,69,320/-.
Taboksak jora i patimwng bai krwngjak bisi thamchichar omorni Ajit Debbarma bwmwngoi aro khorokcha phekjaknai manoi phalnai tabok kharjak hinoi koktma.
Hasteni sikla-chaklirokno phekjaknai mandwi-khundwirok bai langchagwi tongronani bagoi SDPO Prasun Kanti Tripurani saktharmani aro chaitokmani bai haste gnangoi phekjaknai phalnai aro chanairokno naitrugwi karemani, ibotwi gam samwng homwngni bagoi SDPO Prasun Kanti Tripurano hasteni lukurok barikhlai kha gam majakkha.
Bini ibotwi gam samwng homwngrok thinango arobo kabang kabang khlai khlaijakmanthwk.
No comments