Raishyabarigo Madhyamik aro Kuchuk Madhyamik Pass Khlainairokno Borom Yapharjakkha

20 August 2023, Raishyabari: miya   Maharaja Bir Bikram Kishore Manikyani bisi sarachiba achaima sal hohom dodom khlai palaima rwgwi tini Dh...

20 August 2023, Raishyabari: miya Maharaja Bir Bikram Kishore Manikyani bisi sarachiba achaima sal hohom dodom khlai palaima rwgwi tini Dhalai Districtni Raishyabari Community Hallgo Maharaja Dhanya Manikya Welfare Societyni chaitokmani bai Tripura Chubalai Buthu aro Naran Pomang Roaja Councilni bwkhaktwi  takalai bisini Madhyamik aro kuchuk Madhyamik passed khlainairokno borom balai yapharma rwgwi kaisa pana songchajakkha.

O panano chati mwchwngoi chengoi rokha Tripura dophani Naran machang Birendra Tripura.

Phaiyoi manjakha Tripura Chubalai Buthu, Central Committeeni tangphang machang  Taranisen Tripura, Tripura Chubalai Buthu, Central Committeeni rangphang machang  Damodhar Tripura, Tripura Writers' Forum, Central Committeeni tangphang machang  Tayel Tripura, Gandatwisa Moyalni Pomang machang Saral Mohan Tripura, Raishyabari Moyalni Pomang machang Manmohan Tripura, amchaini Roaja song.

Takhlai Raishyabari amchaini Madhyamik aro Kuchuk Madhyamik Pass khlaijakrokno borom balai yapharjakkha.