MBB Universitygo Kokborok MA Chengronani VCni Daiyo Memorandum Yapharka Collegeni Kokborok Srwngnairok

18 August 2023, Agartala:  tini kainoi bimwngno lagwi Maharaja Bir Bikram College bai Bir Bikram Memorial Collegeni Kokborok bedekni srwngna...

18 August 2023, Agartala: tini kainoi bimwngno lagwi Maharaja Bir Bikram College bai Bir Bikram Memorial Collegeni Kokborok bedekni srwngnairok Maharaja Bir Bikram Universityni Vice-chancellorni daiyo memorandum balai yapharlaikha.

Bimwngni bisingo tongo- khna Maharaja Bir Bikram Kishore Manikyani bisi sarachiba (115) achaima sal rwgwi Maharaja Bir Bikram Universityni Administrative Building baskango achokrojak Maharaja Bir Bikram Kishore Manikyani mangthongno phiyogoi ronani.

Maharaja Bir Bikram Universitygo Kokborok Subjectni Master Degree Course chengnani. Tmwi hinba, tabok bana Tripura Central Universitygo simingse Kokborok Master Degree Course phrwngjagoi tongwk. Ibobo achokthai kisani bagoi chorok srwngnairok Kokborok Master Degree Course porenani muchuphabi porenani sep maya. Aini bagoi tini Maharaja Bir Bikram College bai Bir Bikram Memorial Collegeni Kokborok bedekni srwngnairok Maharaja Bir Bikram Universitygo daktwino Kokborok Master Degree Course phrwngjakthwk hinoi bimwng tisalaikha.

I bimwng tisagwi Vice-chancellorni daiyo memorandum balai yapharlaiphugo Rabiray Debbarma, Taitem Chowdhury, Mukesh Debbarma, Yakhili Debbarma, Ashik Debbarma, Biren Debbarma, Sneha Tripura aro Arjun Debbarma thangoi majakkha.