Manu Bazargo 385 Nukhungni 1210 Voter BJP Bodolni Bana Rwngphaika

1 July 2023, Manu Bazar:  phainai Lok Sabhani chongbarino naikhogoi BJP bodol bokni samwng-homwngno haste gnangoi phuargoi tongwk. Sabwi-sab...

1 July 2023, Manu Bazar: phainai Lok Sabhani chongbarino naikhogoi BJP bodol bokni samwng-homwngno haste gnangoi phuargoi tongwk. Sabwi-sabwi krwngsaya krwngsa jegago lamjoma panani bisingtwi kothe kothe bodolni adongrokno BJP bodolgo lamjolaigo. Ibohaiklai phainai Lok Sabha chongbarni sakango hastego BJP bodol arobo krak khlai bachanani naidok.

Tini 39-Manu Assembly chongbari achokthaini BJP Manu Mandal Committeni chaitokmani bai 

Manu Bazarni Basundhara Banchetana Kendra daiyo BJP bodolni kaisa joining program ebakhlai lamjoma pana songchajagwk. I joining program daiyo CPI(M), Tipra Motha, Congress bodol yakagoi 385 nukhungni 1210 voter BJP bodolni bana rwngphaika. 

Katal phainairokno BJP bodolni bana rwngrogoi bodolgo lamjokha Lok Sabha, Salka Tripura achokthaini MP Rebati Tripura, BJP Tripura Pradeshni twiphang Rajib Bhattacharjee, South Tripura hangkorni Zela Sabadhipati Shankar Roy aro BJP Tripura hasteni tangkrasong.