Kokborok Language Development Committeeni Salchani Kokmalama Pana Songchajakkha

3 July 2023, Khumulwng: thangnai 30 June salmarigo Khumulwngni Kokborok Departmentni Conference Hallgo songchajakkha TTAADC hapangni Kokboro...

3 July 2023, Khumulwng: thangnai 30 June salmarigo Khumulwngni Kokborok Departmentni Conference Hallgo songchajakkha TTAADC hapangni Kokborok Language Development Committeeni salchani kokmalama pana. I kokmalama panani achokphang ongoi achokkha TTAADCni Kokborok Departmentni chariphang adong ebakhlai Kokborok Language Development Committeeni kasku Rabindra Debbarma.

Phaiywi majakkha Dy. CEO Usha Ranjan Debbarma.

I kokmalama panago Kokborok Language Development Committeeni adong Dr. Bijoy Debbarma, Satya Kumar Noatia, Bhuban Mohan Jamatia, Dr. Samir Debbarma, Dr. Surath Debbarma, Dr. Madhusudan Murasingh song. 

TTAADC hapangni phaichingtwi Kokborok hamkraini bagoi bwskangni salgo aro tma tma samwngbatang yago lagwi samwng tangjakno iborokno lagwi phaiywi majakjak adongrok nangmani kokmalama salaijakkha. O salgo Kokborok Scriptni jwngjalno paironani bagoi Roman Scriptno nango hinoi kokmalama salaijakkha.

I kokmalama panago twidulkha Kokborok Language Development Committeeni Member Secretary ebakhlai Kokborok Departmentni Principal Officer Brijesh Debbarma.