KUMARGHATO ROTNI CHUKCHLAGO PHERANG NANGOI KHAMPROGOI LANGMA CHOKHA

29 June 2023, Kumarghat: Rot pheranino kitingoi pherang nangoi krimasangcha khlai borok thwilaimani patimwng patikha Kumarghato.  Koktmago s...

29 June 2023, Kumarghat: Rot pheranino kitingoi pherang nangoi krimasangcha khlai borok thwilaimani patimwng patikha Kumarghato. 

Koktmago sagoi majakkha, miya 28 June salmarigo Rot pherani rwgwi Unakoti Tripura hangkorni Kumarghatni North Pabiacherani Geetanjali Auditorium korekarago rot slaithanigo rotni sorni chukchla 33 KV pherang nangoi hor chwngoi khamprogoi langma chokha khoroksni, thwipleng-hampleng ongjak bai sago dukhu majak aro khorokchidok. Ibo barikhlai kha khamjaknai patimwng. Ibotwijati patimwng Tripura hastego arouaisabo ongyakhona.

I krimasangcha patimwngno kitingoi haste gnangoi barikhlai kha khamlaijak lukurok. Pherang nangoi hor jlak jlak khlai sago hor khamgoi thwimani plik social mediani bisingtwi nugoi makha hasteni lukurok.

Pherang nangoi thwinairokni bisingo tongo- 

1. Sima Shil (33), bwsai- Kajal Pal, Shibtali

2. Susmita Baish (30), bwsai- Apu Baisha, Shibmandir

3. Rupak Das (40), bwpha- Santa Das, Young Star Club

4. Suma Biswash (28), bwsai- Sukanta Biswash, Netajipalli

5. Ruhan Das (9), bwpha- Rupak Das, Young Star Club

6. Shan Malakar (9), bwpha- Pinku Malakar, Paniacherra

7. Priyanka Ghosh (9), bwpha- Goutam Ghosh, Kumarghat.

Koktma sagoi manmanitwi sago dukho majakrokni bisingo tongo- 

1.Rohan Das (10), bwpha- Pradip Das, Kumarghat

2. Sangita Das (36), bwsai- Dipak Kumar Das, Kumarghat

3. Ratna Rani Dhar (49), bwsai- Pranesh Dhar, Kumarghat

4. Droupadi Malakar (27), bwsai- Rintu Malakar, Kumarghat

5. D. Ghosh (4), bwpha- Goutam Ghosh, Kumarghat

6. Tarun Bala De (60), bwsai- Tapas De, Kumarghat

7. Ajoy De (3), bwpha- Tapas De, Kumarghat

8. Abhijit De (8), bwpha- Tapas De, Kumarghat

9. Mamata Das (27), bwsai- Man Mohan Das, Kumarghat

10. Shipra Debnath (28), bwsai- Kajal Debnath, Kumarghat

11. Ruma Ghosh (30), bwsai- Goutam Ghosh, Kumarghat 

12. Rajdip Das (12), bwpha- Rabi Das, Kumarghat

13. Braja Bala De (60), bwsai- Manik Kanti De, Kumarghat

14. Bibhash Chandra Nath (45), bwpha- K.C Nath, 

Ratiabari

15. Birbal Nath (11), bwpha- Bibhash Chandra Nath, Ratiabari

16. Kamakhya De (63), bwpha- Baihantha De, Kanchanbari. 

Bokni badebo arobo sago dukho manjakrok tongwk hinoi koktma. Aro khorokchisa sado dukho majakrok hospitalgo admission ongjak hinoi sagoi khanarokha Kumarghat Sub-divisionni SDM Subrata Kumar Das. Bo arobo saka Fatikroy Primary Health Centrego admission ongjak khorokbrwi sago dukho majakrokno gamkhlai sak naikolni bagoi Agartalani GBP Hospitalgo hojakkha.

I patimwngno lagwi Barotni montribokhrok Narendra Modi Twitt khlaiywi langma chojakrokno kha khammani kokno sakokha. Sago dukho majakrokno daktwi hamgwi bachanani bagoi usrika. Ibo simingya, o patimwng bai langma chojakrokno rang 2 lacs aro sago dukho majakrokno rang 50 thousand khlai rogoi bini nukhungo chubanani bagoi saklaijakkha Prime Minister Office bwkhaktwi. 

I patimwngni koktma manoi montriokra Prof. (Dr.) Manik Saha miya horono thangoi kasoka Kumarghato. Sak dukhu majakrok bai Kumarghat Hospitalgo thangoi malaikha aro kokmalama salaithangka. 

I patimwngno lagwi hasteni kebengnai bodolni ojama Animesh Debbarma, barikhlai khakhammani kokno saka. Bo i patimwngno lagwi gamkhlai naikolnani bagoi enquiry khlaidi hinoi kok tisaka. Bo ibobo kok tisaka, rot pherani rwgwi je lamatwi kebengmwng krwikhlai rot sogwi thangka, o lamatwi rot sogwi pherokphugo tmwi ibotwikhlai achamitini patimwng patina nangkhna? Iboni ulugo tma pher tong, soroni chaiya tong ibono jaijai khlai naikani khlaini ongthwk hinoi khorang tisaka.

I patimwngo sak dukho mangoi hospitalgo klaijakrokno thangoi naithangmani aro bokbai kokmalama salaithangka Central minister Pratima Bhowmik. Logego tongo BJP Tripura State President Rajib Bhattacharya.

Koktmago sagwi majakkha, i patimwngno lagwi hasteni pherang bedek kaisa case diary khlaiywi patimwngno cherwi nainaiphwk.