Hakutoisa Amchaini Madhyamik aro Kuchuk Madhyamik Examination Pass Ongjakrokno Borombalai Yapharka HDDS

25 June 2023, Hakutoisa: Takhlai Hakutoisa amchaini Madhyamik aro Kuchuk Madhyamik Examination daiyo pass ongjak rokno Hakutoisa Dumbur Deve...

25 June 2023, Hakutoisa: Takhlai Hakutoisa amchaini Madhyamik aro Kuchuk Madhyamik Examination daiyo pass ongjak rokno Hakutoisa Dumbur Development Societyni bwkhaktwi kaisa borom balai yapharma pana songchagoi lamjolaikha. 

Phurungni damchuku jorago Hakutoisani Jatindra Roaja Para High Schoolgo songchajak i borom balai yapharma panago phai majakkha North Zoneni Naran yakchu ebakhlai Hakutoisa Moyalni Pomang Burba Mohan Tripura, Taimang ebakhlai Tripura Chubalai Buthu, Central Committeeni tangphang yakchu Charu Kumar Tripura, Tripura Swrwngnai Buthu, Central Committeeni tangphang Samir Tripura, Hakutoisa Dumbur Development Societyni twiphang Poli Mohan Tripura, tangphang Braja Kishore Secretary, tangphang yakchu Piyolal Tripura, rangphang Bashi Mohan Tripura, adong Tapan Kumar Tripura, Ananta Tripura, Narayan Tripura, Roaja Sumanjoy Tripura, Jatindra Roaja Para Schoolni phrwngnai Naba Ranjan Tripura song.

Tinini i borom balai yapharma panago Hakutoisa amchaini takhlai Madhyamik aro Kuchuk Madhyamik Examination daiyo pass ongjakrokno certificate rogoi borom yapharjakkha.