Dr. Atul Debbarma Choprojakkha, Security Escort biywi CEOno Kokton

1 February 2023, Agartala: 29-Krishnapur (ST) Assembly chongbari achokthai daiyo Independent ongoi batainai BJP bodolni MLA Dr. Atul Debbarm...

1 February 2023, Agartala:

29-Krishnapur (ST) Assembly chongbari achokthai daiyo Independent ongoi batainai BJP bodolni MLA Dr. Atul Debbarma miya choprojakkha samwngsitra tangnairok bai.

Dr. Atul Debbarma 2018 bisigo BJP bodolni ongoi o achokthai daiyo bataiywi MLA ongkha. Mator 2023 Assembly chongbarigo bono bodolni ongoi batainani ticket roliya BJP. 

Aini bagoi kha khamjagoi thamchi kajagoi daktwi-daktwi Tripura Legislative Assemblyni Speakerni daiyo kokton suiywi bini MLA achokthai yakagwi o achokthai daiyo Independent ongoi batainani bagoi nomination blai yapharka thangnai 30 January salgo. 

31 Januarygo bini nomination blai yapharmanino Teliamura SDM Officego thangoi scrutiny khlaiywi nogo pherokphugo lamago choprojakkha Dr. Atul Debbarma. SDM Office koreni Dr.B.R Ambedkarni mangthong baskango bono choprolaikha samwngsitra dolsa tangnairok. Dr. Atul Debbarmani malkhong lathanai, holong bai bukhrujakkha, sabaijakkha.

Ibotwi jorago sikri-sokro khlaijagoi barikhlai kriywi matongkha Dr. Atul Debbarma. Aini bagoi miya patimwng ongmani loge loge Tripurani Chief Electorate Officer (CEO)no kokton suiywi bikha bono daktwi daktwi security escort ronani aro houseguard ronani ongthwk hinoi.