Killago Purna Chandra Jamatiani Chongbarini Auaimwngo Thangoi Majakkha Bobagra

Nokphang February 13, 2023 Tripura

13 February 2023, Killa: 30-Bagma chongbari achokthaini Killani Noabari rwngnokni thwngkholago tini Tipra Mothani garakhlai Lulu kuthungmwng...

13 February 2023, Killa: 30-Bagma chongbari achokthaini Killani Noabari rwngnokni thwngkholago tini Tipra Mothani garakhlai Lulu kuthungmwng pana songchajakkha.

30-Bagma achokthai daiyo Tipra Mothani ongoi batainai machang Purna Chandra Jamatiano kaplai khlaini bagoi bini ongoi chongbarini auaimwngo bobagra Pradyot Kishore Manikya thangoi kasokkha.

Killani lukurok bobagrano yak surogoi lamjokha. Khatong-khajani bisingtwi bobagrano hamjagoi thwngkhola chakla khlai kuthunglaiywi thainchani phranno phunuka.

Tinini sai sai lukurokni i kuthungmwng Greater Tipraland bimwngni khorangno Assemblygo kasokronani bagoi tiyar onglaijak. I kuthungmwng Tiprasarokni mathai-soktaino manani bagoi paithak choba hinoi mano.

No comments

Subscribe to: Post Comments (Atom)