13 February 2023, Agartala: thaincha, kokbaksa, khabaksano sorolai hamjakya tong, sorolai chajakya tong. Dopha birman mamani nugoi sorolai k...
13 February 2023, Agartala: thaincha, kokbaksa, khabaksano sorolai hamjakya tong, sorolai chajakya tong. Dopha birman mamani nugoi sorolai khasaya tong, sorolai mwktwi klaiya tong.
Dopha thwngjakmani, hanang penang khlaijakmani nugoi khasajagoi hani basarokno mwthangnani bagoi bobagra chobani khorang romani, thainchani khorang romanibai kabangma lukuadongni siming chengoi kothe kothe bodol yakagwi tongkosong tongnai lukurokbo bobagrano loge roni hinoi TIPRA Mothani bana rwngphailaimani sabwi sabwi nujagoi tongwk.
Ibotwi khlaino tini IPFT bodolni rwngsrwngnai bedek ATISA Central Committeeni tangphang Baithang Debbarma, tangphang yakchu, twiphang yakchu, tangphang, Central Committeeni adong, divisional committeeni adongrokno lagwi khorok brwichiba sikla-chaklirokno loge twbwiywi bobagrani chobago yapri rophaika.
Greater Tipralandni chobani katal sengkrakrokno lamjogwi lakhoka bobagra sakbaithang aro logego tongwk Tipra Mothani tangkra Manoj Debbarma.
Iboni olo koktma thungnairokni baskango bodol yakagwi phaijak ATISA Central Committeeni tangphang Baithang Debbarma saka, IPFT bodolrokni dophani bagoi mwngsa khlailiya, mwngsago kok salailiya. Bobagra simingse Greater Tipraland bimwngno rogoi mansinai, dophano mwthangmansinai i paitokmwngno lagwi tabok khorok nwirani slai kabang lukurok tiyar ongjak hinoi saka.
No comments