Tipra Motha Khorokchi Candidateni Bwmwng Saklaikha

29 January 2023, Khumulwng: Tripura Legislative Assemblyni chongbarigo candidateni bwmwng saklaini thangoi Tipra Mothani bisingo kokbanglaim...

29 January 2023, Khumulwng: Tripura Legislative Assemblyni chongbarigo candidateni bwmwng saklaini thangoi Tipra Mothani bisingo kokbanglaimani, khadulaimani, ualai-soklai onglaimani nujakkha. 

59-Pecharthal Constituency daiyo Tipra Mothani achokthai majak Hollywood Chakma bo 49-Chawmanu achokthai daiyo achokthai mayani bagoi tini 15-16 malkhong borok twbwiywi Rajbarigo bobagra bai malainani phaika. Tomwng Chakma Communityno Chawmanu achokthai daiyo roya hinklai kaidok Constituency daiyo tongnai Chakmarok Tipra Mothano vote roglak hinoi bobagrano sikri-sokrobo khlaimani nujakkha. 

MDC Runiel Debbarmano 'Go Back' hinoi selengmwng phunugoi Mandaini Gourmani Stadium daiyo Tipra Mothani ojamarokni bisingo kha hamya onglaimanibo nujakkha. Iboswk khlai onglaimani olo paithago Tipra Motha 2nd phase daiyo aro khorokchi candidateni bwmwng saklaikha.

Tipra Mothani ongoi khorokchi batainairok ongkha-- 

2- Mohanpur- Tapas Dey

10-Majlishpur- Samir Basu

23-Dhanpur- Amiya Noatia

24-Ramchandraghat (ST)- Ranjit Debbarma

32-Matarbari- Bir Noatia

39-Manu (ST)- Dhananjoy Tripura

45-Kamalpur- Meri Debbarma

50-Pabiacherra (SC)- Gobinda Das

55-Bagbasa- Kalpana Sinha

60-Kanchanpur (ST)- Phillip Kumar Reang.