27 January 2023, Agartala: iswk saltam salbrwi Tripura hani lukurok mokol lokjagoi tongmani olo tinino sraicha ongkha. Tipra Motha kaisabai...
27 January 2023, Agartala: iswk saltam salbrwi Tripura hani lukurok mokol lokjagoi tongmani olo tinino sraicha ongkha. Tipra Motha kaisabaibo alliancego thangliya. I kokno saklaikha, bobagra ebakhlai Tipra Mothani kasku Maharaja Pradyot Kishore Manikya. Tini social mediago livego phaiywi i koktma sraicha khlai saklaikha.
Bo social mediani bisingtwi saka, aphak ongya- ani kha goseya, aini bagoi ang chabwi lakha ang New Delhi bai yapharjak offerno gose lamaglak ! Kaplai ongkhlai ongnai chengkhlai chengnai mator paithak choba khlaiywi chennai !
"No alliance- my heart does not agree and so I have made my decision that I cannot accept New Delhi's offer ! Jitega toh jitega harega toh harega but one last fight to karke rahega ! I can't betray our cause and our people !"
Bobagra jabwiyobo sajak, tabokbo sagwi tongwk, Barot hagara hapang Tiprasarokno mwkthangnani bagoi Greater Tipraland bimwngni Constitution solutionni written suiywi royasak kaisabaibo aphak ongya.
Thangnai salnoi saltam jorago Barot hagara hapangni ojamarok bai ringjagoi New Delhigo chwng thangka. Bokbai achoklai kok salaika. Bokni kokno gamkhlai khnaka. Mator bok chini bimwngno lagwi mwngsabo written suiywi roliya. Aini bagoi ang Tipra Mothani chorok sengkrakrokno sanani naiywk i chongbarigo Tipra Motha kaisabaibo alliancego thangliya! Jitega toh jitega harega toh harega but one last fight to karke rahega ! hinoi saka bobagra.
No comments