Shantirbazar bai Jolaibari Achokthaiyo Left Frontni Nomination

27 January 2023, Shantirbazar : sai-sai lukurokni kuthungmwng bai tini Shantirbazar achokthai bai Jolaibari achokthaio Left Frontni ongoi ba...

27 January 2023, Shantirbazar: sai-sai lukurokni kuthungmwng bai tini Shantirbazar achokthai bai Jolaibari achokthaio Left Frontni ongoi batainai chlaknoi bokni nomination blai yapharka Shantirbazar SDM Officeni Returning Officerni daiyo.

Shantirbazar achokthai Left Frontni aphak CPI bodolni ongoi batainai Satyajit Reang aro Jolaibari achokthai daiyo CPI(M)ni ongoi batainai Debendra Tripura bok chlaknoi tini nomination blai yapharka.

Yaksibodolrok tabok Tripura hago kebengnai bodol daiyo tongwk. Baskangni Assembly chongbarigo kaplai ongnani bagoi gamkhlai chaitoklaiywi tongwk, arouaisa sakni kwmajak achokthaino pherogwi manani bagoi.

Tini Shantirbazar daiyo sai-sai lukurokni kuthungmwng bai yaksi bodolni chlaknoi batainai bokni nomination blai yapharka.

Tinini Shantirbazar chaiyakhlai chakroro khlai kwchak kwcham bana rwnglaijak thainchani khorang barikhlai i kuthunglaimwng baskangni Assembly chongbarigo jesa bodolni bagoi thugei mwktrwi thangya ongjaknai kok.

I kainoi achokthai daiyo batainai chlaknoibo katal mwkhang. Katal mwkhang katal emangno lagwi dophani bagoi samwng tangnani hinoi smai tangoi phaika bok chlaknoi. Lukurok bokno hamjakma aro bor rogwi baskangni Assembly chongbarigo kaplai khlaithwk hinoi lukurokni daiyo khulungwi bor aro ruai bikha.

Shantirbazar achokthai daiyo bachanai Satyajit Reang bai Jolaibari achokthaio daiyo bachanai Debendra Tripura