Surmago Tipra Mothani Adong Butharjakmano Justice Biywi Koromtwisago Protest Rally

22 January 2023, Koromtwisa: 2023 Tripura Legislative Assembly chongbarini salmari saklaimani salgono poila butharjakkha Tipra Mothani adong...

22 January 2023, Koromtwisa: 2023 Tripura Legislative Assembly chongbarini salmari saklaimani salgono poila butharjakkha Tipra Mothani adong. 46-Surma chongbari achokthaini Tipra Mothani adong Pranajit Namasudra hor jorago samwngsitra tangnairok bai butharjakkha. Tipra Motha i patimwngo BJPni yak krwngjak tongo hinoi kok silchakha. Tabok joratwi i patimwng bai krwngjak rok police bai rwngjakkha hinoi koktma.

Tipra Mothani adong Butharjakmano kwbwi aro kwkrwk khlaiywi justice biywi Tipra Motha tabok Tripura ha gnangoi khorang tisagwi protest khlaiywi tonglaiywk. 

Miya 48-Karamchara ebakhlai Koromtwisa chongbari achokthaini Kanchanchara-Nalkata daiyo Tipra Motha, YTF, TWFni chaitokmani bai Pranajit Namasudra butharjakmanino justice biywi khadumwng phunugoi himbotok himjakkha.

Iro Tipra Motha Dolai Hangkorni twiphang Ratish Tripura, YTF twiphang yakchu Binanda Tripura, Paritosh Debbarma, Kripesh Debbarma aro Tipra Motha, YTF, TWFni tangkrarok phaiywi majakkha.