Shrinagar Hatigo CPI(M)ni Lukukuthungmwngo Jitendra Chaudhury

31 January 2023, Sabroom: Sabroom bwkhasteni Shrinagar Hatigo CPI(M)-ni luku kuthungmwng panago koklarwkha CPI(M) Tripura State Secretary e...

31 January 2023, Sabroom: Sabroom bwkhasteni Shrinagar Hatigo CPI(M)-ni luku kuthungmwng panago koklarwkha CPI(M) Tripura State Secretary ebakhlai 40-Sabroom Assembly achokthai daiyo CPI(M) bodolni batainai machang Jitendra Chaudhury.

Thangnai 2014-2019 Lok Sabha Salka Tripura achokthaini MP ongoi dophani bagoi samwng tanglangkha. Iboni bisitham olo arouaisa batainai ongoi lukurokni daiyo sakno kaplai khlaironi bagoi auaithanigo barikhlai khatong khajani bisingtwi lamjojakkha. Bini sakago lukurokni pwito tabokbo tongkho para para doli doligo. Lukurokni khatongmwng bai swkangbariya sagwimano makha Jitendra Chaudhury arouaisa kabang vote manoi kaplai ongoi dophani bagoi samwng khlaini sep manai hinoi.

 

Koklarwgoi tongo 40-Sabroom achokthaini CPI(M) bodolni batainai Jitendra Chaudhury