Karbook o DYFI-TYF-SFI-TSU-ni Luku Kuthungmwng

22 January 2022, Karbook: phainai Tripura Legislative Assemblyni chongbarino baskango larwgwi miya Gomati Hangkorni Karbook o DYFI-TYF-SFI-T...

22 January 2022, Karbook: phainai Tripura Legislative Assemblyni chongbarino baskango larwgwi miya Gomati Hangkorni Karbook o DYFI-TYF-SFI-TSU-ni kaisa himbotok khlaijagwk. Himbotokni olo kaisa luku kuthungmwng pana songchajakkha.

Iro kok larwkkha, TSU Central Committeeni tangphang machang Sujit Tripura, TYF Central Committeeni achokphang Kousik Debbarma, TYFni adong Subash Debbarma song.

TSU Central Committeeni tangphang Sujit Tripura 

TSU Central Committeeni tangphang Sujit Tripura kok larwkphugo saka, thangnai bisiba jorani BJP hapang Tiprasani bagoi mwngsa gam samwng khailiya. Bidyajyoti rwngnogo Kokborok subjectno knoromani romani, MBB Airport daiyo Kokborok bai saklaijagwi tongmani achamitini mwthakromani, ADC amchaigo medical college ronai hinoi kok romani ibo chorok aida kok hinoi silchakha.