18 January 2023, New Delhi: North-East Indiani kaitham hagira Meghalaya, Nagaland aro Tripurani Assembly chongbarini salmari saklaikha Elect...
18 January 2023, New Delhi: North-East Indiani kaitham hagira Meghalaya, Nagaland aro Tripurani Assembly chongbarini salmari saklaikha Election Commission of India. Tini New Delhini Akashvani Bhawanni Rang Bhawan Auditorium daiyo songchajak Election Commission of India (ECI)ni koktmathungnai panani bisingtwi saklaikha kaitham hagirani chongbarini salmari.
Phainai 12 March 2023 salmarigo Nagalandni Assemblyni term ebakhlai jora painai, 15 March 2023 salmarigo Meghalaya Assemblyni term ebakhlai jora painai aro 22 March 2022 salmarigo Tripurani Assemblyni term ebakhlai jora painai.
I kaitham hagirani Assembly achokthai ongkha 60 khlaiywi.
Iboni bisingo Meghalaya hagirago General-5, SC-0 aro ST- 55 achokthai, Nagaland hagirago General-1, SC-0 aro ST-59 achokthai, aro Tripura hagirago General-30, SC-10 aro ST-20 achokthai tongwk.
Voter tongo Nagaland hagirago 13,09,651, Meghalaya hagirago 21,61,129 ar Tripura hagirago 28,13,478.
Tripura hagirani Gazette Notification issue khlaijaknai 31 January 2023, Nomination yapharjaknai paithak salmari 30 January 2023, Nominationni scrutity ebakhlai naiphilnai salmari 31 January 2023, batainairokni rosamwngni salmari 2 February 2023. Chongbarini salmari 16 February 2023.
Nagaland bai Meghalaya hagirani Gazette Notification issue khlaijaknai 21 January 2023, Nomination yapharjaknai paithak salmari 7 February 2023, Nominationni scrutity ebakhlai naiphilnai salmari 8 February 2023, batainairokni rosamwngni salmari 10 February 2023. Chongbarini salmari 27 February 2023.
Kaitham hagirani chongblai thikimwng salmari 2 March 2023 aro chongbarini samwng-homwng paisokjaknai salmari 4 March 2023.
I kokthum panago tongo Rajiv Kumar, Chief Election Commissioner, Anup Chandra Pandey, Election Commissioner, Arun Goel, Election Commissioner.
No comments