'Ani Vote Ani Manthai' Rwgwi 'Secular Democratic Force' Chongmari Commissionni Daiyo Deputation Rokha

21 January 2023, Agartala: baskangni Tripura Legislative Assemblyni chongbari rwgwi thangnai 19 January Agartala Press Clubgo Left-front-Con...

21 January 2023, Agartala: baskangni Tripura Legislative Assemblyni chongbari rwgwi thangnai 19 January Agartala Press Clubgo Left-front-Congress kwthalaijak bodolni ojamarokni kuthunglaimwng bai songchajakkha koktmathungnai pana. Left-front-Congress thaincha ongoi khajakkha 'Secular Democratic Force'. Iboni bisingtwi 'Ani Vote Ani Manthai' ebakhlai "আমার ভোট, আমার অধিকার" rwgwi Chongmari Commissionni daiyo Deputation rojaknai hinoi saklaikha Left-front-Congressni ojamarok. 

Aiphugo saklaimanitwi tini Agartala goli kwplwng khlai 'Ani Vote Ani Manthai', "আমার ভোট, আমার অধিকার" khorang bai Tripura hani lukuraidano gamkhlai rwngwi larwkni bagoi Left-front-Congressni adongrok Chongbari Commissionni daiyo deputation rolaikha. I deputation rolaithanigo kaisa political bodolni bana yago twijak krwi. Bana Barotni banano yago twilaijakmang.

Iro CPI(M) Tripura hani tangphang Jitendra Chaudhury, CPIni Narayan Kar, TPCC-ni twiphang Birajit Sinha, MLA Sudip Roy Barman, kacham MLA Ashis Saha songno lagwi Left-front-Congressni ojamarok chorok tongbaiywk.

CPI(M) Tripura State Secretary Jitendra Chaudhury

Congress MLA Sudip Roy Barman 

Kacham montri Manik Dey, kacham MLA Ashish Kumar Saha, CPI(M) Tripura State Secretary Jitendra Chaudhury, TPCCni President Birajit Sinha, kacham Dy. Speaker Pabitra Kar