2023 Assembly Chongbarino Naikhogwi JRBT Tangbedek Sebok Tlangma Bathakrwi Tongnani Saklaikha

18 January 2023, Agartala: Tripura haphangni Joint Recruitment Board, Tripura (JRBT) bai tlangjak chorok sebokni samwng-homwng bathakrwi ton...

18 January 2023, Agartala: Tripura haphangni Joint Recruitment Board, Tripura (JRBT) bai tlangjak chorok sebokni samwng-homwng bathakrwi tonjakkha tini 18 January 2018 salmarini siming. 

2023 bisini Tripura Legislative Assemblyni chongbarino naikhogwi JRBT bai tlangjak chorok sebokni engagement/appointmentni samwng-homwngrok bathakrogwi tonjakkha. 

Ibono lagwi JRBT tangbedek No.10 (28)/DESMP/ESTT/RECTT/2020/P-III/846, dated, 26.12.2022ni reference bai miyago JRBT tangbedek No.10 (28)/DESMP/ESTT/RECTT/2020/P-II/292, Dated, 18.01.2023 notice balaini bisingtwi i koktmano saklaikha.

Tripura haphangni Tripura Gazette Notification No.434/TP-LA/2022 aro No.434/TP-LA/2022 (1), dated, 23rd December, 2023 rwgwi Assembly chongbarini salmari jephruphabo saklaijakmano, smagwi tongkha. Iboni loge loge Model Code of Conduct (MCC) klainai. Ani bagoi JRBT tangbedek swkangbariyano JRBT bai tlangjak chorok sebokni samwng-homwngno bathakrwi tonnani yapri seka. Ibo simingya tabok ongoi tongmani Group-C sebokni Documents Verification aro Interview ibonobo bathakrwi tonkha.

Chongbarini chorok samwng-homwng paisogwi Model Code of Conduct (MCC) rwksagwi lamani loge loge i tangbedek bai tlangjak chorok sebokni samwng-homwng khlaijakmanino aro uaisa chengoi rojaknai. Bathakrwi tonjak Group-C sebokni interviewni salmari JRBT tangbedekni portal www.jrbttripura.com ni bisingtwi olo arouaisa saklaijaknai.