'Sangeet Natak Akademi' Dason Makha Tripura Hasteni Luku Rachapkrwng Tarubala Debbarma

28 November 2022, Agartala: bisipoti rachapmwng, lukurachapmwngni bagoi hagarani rachapkrwngrokno borom rogoi 'Sangeet Natak Akademi...

28 November 2022, Agartala: bisipoti rachapmwng, lukurachapmwngni bagoi hagarani rachapkrwngrokno borom rogoi 'Sangeet Natak Akademi' dason yapharjagwk. 'Sangeet Natak Akademi' dason ongkha Barot hagarani rachap-musuni bagoi yapharjak jotonislai gara dason.

Takhlai Barot hagarani phaisingtwi saklaijak 'Sangeet Natak Akademi' dason manairokni bisingo khorokcha ongkha machangjuk Tarubala Debbarma. Machangjuk Tarubala Debbarma ongkha Tripura hasteni luku rachapkrwng. Ibo simingya, bo khorokcha hukumuno hamjaknai aro Agartala Radio Centre daiyo Kokborok koktama porenai. Ibo simingya, bo khorokcha rwngphrwmgnai bokhorok tongmani, tabok haba yakajak. 

Machangjuk Tarubala Debbarma Tiprasani hukumu-mukumu, luku rachapmwngni bagoi jora kalokma rwngoi yakchoyagoi samwng tangmani bathai-bumulni bagoi Barot hagara haphang bai 'Sangeet Natak Akademi'  dason yapharjaknani bagoi saklaijakmani koktma Tripura haste aro chorok Tiprasarokni bagoi barikhlai khatongjaknai