17 November 2022, Agartala: Tripura dophani amani kok aro kokrabaino kuchugo tisanani bagoi Tripura Writers' Forum khajakmani olo Tripur...
17 November 2022, Agartala: Tripura dophani amani kok aro kokrabaino kuchugo tisanani bagoi Tripura Writers' Forum khajakmani olo Tripura dophani suikrwngrokno lagwi thangnai 13 November 2022 salmarigo Agartala Press Clubgo poila 'Tripura Writers' Meet-2022' pana songchajakkha.
Panano chati mwchwngoi chengoi rokha Tripura dophani Naran machang Birendra Tripura. Panago naruai ongoi phaiywi majakkha Tripura Writers' Forum Advisory Committeeni kasku suikrwngjuk Ajita Tripura, Advisory Committeeni adong ebakhlai kacham MLA machang Dhananjoy Tripura, Advisory Committeeni adong suikrwng machang Burba Mohan Tripura, AMBS Mahavidyalayani Assistant Professor Dr Babu Dhan Tripura, Tripura Chubalai Buthu, Central Committeeni twiphang machang Sachindra Tripura, Germanyni Ruhr Universityni PhD Scholar machang Hari Purna Tripura, Bangladesh Tripura Kalyan Juva Songsod aro Shiksha Unnayan Songstha, Bangladeshni tangpahng machang Joy Prakash Tripura, Bangladeshni machangjuk Twisa Tripura, Tripura Swrwngnai Buthu, Central Committeeni tangphang machang Samir Tripura, UTYA Central Committeeni tangphang-yakchu
machang Binanda Tripura, Tripura Writers' Forum, Central Committeeni tangphang machang Tayel Tripura song. I panani achokphang ongoi achokkha Tripura Writers' Forum, Central Committeeni twiphang machang Dharinjoy Tripura.
Forumni tangphang Tayel Tripura lamjogoi kok larwkmani olo Tripura kok aro kokrabaini hamkraini samwng- homwngni bagoi suikrwng machang Burba Mohan Tripurano 'Khushi Krishna Tripura Mukumu Dason-2022' aro suikrwng machang Puspa Joy Tripurano 'Shymacharan Tripura Mukumu Dason-2022' ephagwi rojakkha.
Ibo badebo panago suikrwng Amit Tripura bai suijak kangnoi kokrabai bijap aro Sarup Tripura bai kokmithingjak Tripura kokrabai
koktma balai 'Yaktwng' karegoi rojakkha.
O panago khorokbrwichi suikrwngrok baithangni koklop, kothoma, kokkhal poregoi khanarokha. O salni kokrabai panano kokmithingka suikrwng Puspa Joy Tripura, Uttam Kumar Tripura aro Jabanika Tripura.
Panago phaiywi majakjak naruairok Tripura kok aro kokrabaini hamkraini bagoi gam gam nangmani kok sagoi khanarokha.
No comments