Lalcharago Tipra Mothani Katal Habanok Phiyokmwng aro Kuthunglaimwng Kokmalama Pana Chawmanu : Tini 49.Chawmanu Assembly chongbari achoktha...
Lalcharago Tipra Mothani Katal Habanok Phiyokmwng aro Kuthunglaimwng Kokmalama Pana
Chawmanu : Tini 49.Chawmanu Assembly chongbari achokthaini Lalchara Village Committeeni Birendra Kamigo TIPRA Mothani kaisa kuthunglaimwng pana songchajago aro TIPRA Mothani katal habanokni dualam phiyogoi rojago.
I panago naruaiokra ongoi phaiywi majakkha TTAADC-ni CEM machang Purna Chandra Jamatia. Bini badebo MLA Brishaketu Debbarma, MDC Hongsha Kumar Tripura, Chawmanu Sub-Zonalni achokphang Ratanjoy Tripura, Tipra Motha Dolai Hangkorni twiphang Ratish Tripura, YTF Working President Hollywood Chakma song phaiywi majakkha.
Phainai TTAADC-ni Village Committeeni chongbarigo TIPRA Mothano kaplai khlaironi bagoi lukurokni daiyo auaimwng khlaiywi aro bobagra thaincha naimani, Greater Tipraland Bimani kokrokno sagwi khnarokha phaiywi majakjak naruairok.
Tinini panago BJP, CPI(M) bodol yakagwi 15 nukhungni borokrok Tipra Mothani bana rwngphaika. Naruairok bokno Mothani bana rwngrogoi bodolo lamjokha.
No comments