Hrishyamukh Blockni  Mohininagar ADC Village Daiyo TIPRA Mothani Lukuthung Pana Hrishyamukh : baskangni TTAADC Village  Committeeni chongbar...

Hrishyamukh Blockni  Mohininagar ADC Village Daiyo TIPRA Mothani Lukuthung Pana

Hrishyamukh: baskangni TTAADC Village  Committeeni chongbarino naikhogwi TIPRA Motha haste gnangoi bodolno krak khlaiywi chaplaidok aro Greater Tipralandno auai khlailaidok. TIPRA Mothani ibotwijati khlai baskangni chongbarino lagwi kaisa kokchaplaima lukuthung pana miya songchajakkha 37.Hrishyamukh Blockni Mohininagar ADC Villageni Batua Bari SB School nokhlago daiyo.

Poilago naruairok dari khlaiywi himbotok himlaika. Iboni olo Butua Bari SB School nokhlago kuthunglaiphaika.  

Naruairokno khung, risa bai lamjomani olo panano chati mwchwngwi chengoi rojakkha aro kaisa masamwngbo masagwi phunujakkha.

I panago phaiywi majakkha MDC Debajit Tripura, MDC Bidyut Debbarma, 37. Hrishyamukh Tipra Mothani observer Barnaram Tripura, 37.Hrishyamukh Tipra Motha Block Committeeni Vice-Pesident Navadip Tripura, TWF President Nutanpriya Tripura, YTF Central GS Jiten Tripura song.

Phaiywi majakjak naruairok phainai Village Committee chongbari aro Greater Tipralandno lagwi nangmani kok sagwi khnaroka.