Boy's Bodhjung Hostelgo Thangoi Chubakha TISF Bodol Agartala : Tini Tipra Indigenous Students Federation (TISF) bodol Agartalani Boy...

Boy's Bodhjung Hostelgo Thangoi Chubakha TISF Bodol

Agartala : Tini Tipra Indigenous Students Federation (TISF) bodol Agartalani Boy's Bodhjung Tribal Hostel daiyo lwngjaknai twini filter rogoi chubakha. 

Tabok o boy's hostel daiyo khorok sarani slaibo kabang srwngnai tongoi tongo hinoi koktma. 

O hostel jora kolokma rwngwi kabangma jwngjal bai kubuljak tongmani. Mator haphang siywi siyaswk, bana thulaijak. Iboni bisingyo kaisa jwngjal ongkha lwngjak twigamni.

Thangnai salkisa sakango o hostelni kabangma jwngjalno lagwi Boy's Bodhjung Schoolni Head Master bai malaiywi kokmalama salaika aro memorandum blaibo ephalaika TSU, TSF srwngnai bodol. Ibo simingya, hasteni Tiprasa hamkrai bedekni dagephang baibo malaiywi kokmalama salaijak aro memorandum blai ephalaijak.

Tabokhlai Boy's Bodhjung Hostelgo tongoi tongnairokni jwngjalno nugoi korego bachaphaika TISF bodol. TISF-ni bwkhaktwi filter rogwi chubachu rokha. Jwngjalni jorago TISF bodol ibotwikhlai srwngnairokni korego bachamani bagoi barikhlai tongthoklaijak hostelgo tongnairok.