Australiago Montrini Youth Advisory Councilni Adong Chongjakkha Nairwng Tripura

Australiago Montrini Youth Advisory Councilni Adong Chongjakkha Nairwng Tripura Kokmalama, 6 July 2022: Tripura dophani sajwk Nairwng Tripur...

Australiago Montrini Youth Advisory Councilni Adong Chongjakkha Nairwng Tripura

Kokmalama, 6 July 2022:

Tripura dophani sajwk Nairwng Tripura Australiani Minister’s Youth Advisory Councilni khorokcha adong chongjakkha. I koktma gamno social mediani bisingtwi sagwi manmani olo barikhlai khatonglaikha aro khagam, hamjakma yapharlaikha Nairwng Tripurano.

Machang Abhilash Tripura bai machangjuk  Rajeshware Roajani bisi chibrwi omorni sajwk Nairwng Tripurani omthai thwi klaimani para ongkha Bangladesh hagarani Khagrachharini Kuradiyachara daiyo. Bo tabok Australia daiyo tongo, o daiyono bini thiti.

Koktmago sagwi majakkha, Australian Capital Territory stateni rwng aro sikla tangbedekni Youth Advisory Councilni adong chongjago Nairwng Tripura. Khorokchiba adongno lagwi khajak i committee daiyo Nairwngno adong chongnani bagoi Cabinet montri bodolo kokmalama salaijakmani olo gosejakkha. Paithago 13 July 2022 salmarigo montriokra-yakchu Yavet Veri Nairwng Tripura no sakbaithang kokton suiywk aro bono o committee daiyo 1 August 2022ni siming 31 July 2024 bisi jora bisinoini bagoi adong chongkha. Nairwng Tripurani thinang nokhani handogirino kosol bari kwchwng ongoi tongmanthwk.