‘Kuki Chin National Front’ Bodol Bangladeshni Tripura Dophani Lukurokno Kogoi Buthamani Patimwngno Khorang Tisalaikha BTKS, TSF, Bangladesh

‘Kuki Chin National Front’ Bodol Bangladeshni Tripura Dophani Lukurokno Kogoi Buthamani Patimwngno Khorang Tisalaikha BTKS, TSF, Bangladesh ...

‘Kuki Chin National Front’ Bodol Bangladeshni Tripura Dophani Lukurokno Kogoi Buthamani Patimwngno Khorang Tisalaikha BTKS, TSF, Bangladesh

Kokmalama, 1 July 2022, Khagrachari: Bangladesh hagarago tongnai Tripura dophani lukurok jonom satok-petok khlaijakmani koktma khnagwk. Phwngcha khlai nokthaihoktai sekjago, phwngchakhlai rwngphre-sokphre khlaijago, phwngcha khlai sogoi-tanoi buthajago. Mwngsalai mwngsa khlaijago beni dophani borok bai.

Thangnai 21 June salo sareni damdok jora atlogo Bangladesh hagarani Rangamati hangkorni Bilaichari Upajelani 4 No. Bortholi Unionni 2 No. Ward Saijam Parago Bom bodolni ‘Kuki Chin National Front’ (KNF) bwmwngoi bodolsa bolongni borok Bangladeshni Tripura dophani lukurokno oprakhlai kogoi, tanoi butharka aro khoroknoi chrai basano thwipleng-hampleng khlai klangwk. 

Kogoi buthajaknai rok ongkha- (i) Bichai Chandra Tripura (52), bopha Badla Tripura, (ii) Subhash Chandra Tripura (23), bopha Bichai Chandra Tripura, (iii) Bir Kumar Tripura (21), bopha Bichai Chandra Tripura aro (iv) Dhanaram Tripura (16), bopha Sitaram Tripura. 

Ananta Tripura (4), bopha Subhash Chandra Tripura aro (ii) Sumna Tripura (1.6 bisi), bopha Subhash Chandra Tripura bwmwngoi khoroknoi chraino kogoi thwipleng-hamplengkhlai kalang-kha, bok tabokbo sakgamnogo klaijak. Iro o chrai klwi khasiya-rokni tma chaiya tong, twmwi bokno ibotwikhlai khlaikha?

Ibotwikhlai Tripura dophani sakago krimasangcha patimwng barikhlai khakhamjaknai aro kha sajaknai. I patimwngno lagwi thangnai 27 June salo BTKS bai TSF, Bangladesh mililaiywi Khagrachari Press Club nokhlago kaisa khadumwng pana khlaiywi Deputy Commissionerni yaktwi Bangladeshni montribokhorok Sheikh Hasinani daiyo kangsa memorandum blaibo ephalaikha.

Kwbwi justice biyawi 29 June salo Khagracharini Police Supar bai malaiywi memorandum blai ephaka. Tabok hagara haphang i patimwngno lagwi bwswk joratwi krak yapri segwi krak majra rono ibo naisingywi naithai.