Tipra Motha ‘Lal Motha’: Montri Rampada Jamatia Agartala | 20 May 2022 : bobagra Tiprasarokno thaincha khlaini bagoi chaitogo aro Greater ...
Tipra Motha ‘Lal Motha’: Montri Rampada Jamatia
Agartala | 20 May 2022: bobagra Tiprasarokno thaincha khlaini bagoi chaitogo aro Greater Tipraland biywi khorang tisago.
Oijang arokothe bodolni ojamarok khlai Greater Tipralandno chajakya ongoi nanasniya koksil-chamani nujagwk. Koktmago sagwi majakkha, BJP-IPFT haphangni ulnoi cabinet montri slaijakthanio katal montrini achokthai majak machang Rampada Jamatia thangnai 16 May 2022 salmarigo Tripura hasteni montri ongoi smai tangwi paimani olo koktmathungnairok bai swngjakphugo sago, ‘Tipra Motha iborok aro tonglak, ibo Lal Motha. Iborok paiywi thangnai, aro taldokse nanglak, talthamni bisingyo painai’.
Montri Rampada Jamatiani i video social mediago lwkmani olo bono lagwi baksaba theranlaikha baksaba minilaikha baksaba khagam yapharlaikha.
Ibono lagwi bobagra ebakhlai Tipra Mothani ojama Pradyot Kishore Manikya bo social mediani bisingtwi kokphiroka. Bo saka, “for Rampada insulting Tiprasa infront of media is a joke. What he does not realise is that that by making fun of thansa he is weaking our own communities image infront of the journalists in Agartala”.
No comments