Khorokba Tripura Koklopnaini Koklop Bijap KHAPANGNI KHORANG Karejakkha

24 February 2024, Dhaka: miya diphrwk jorago Haiyong Amani Kok Sal rwgwi Bangladeshni Dhakani International Mother Language Institute daiyo...

24 February 2024, Dhaka: miya diphrwk jorago Haiyong Amani Kok Sal rwgwi Bangladeshni Dhakani International Mother Language Institute daiyo suikrwng Mathura Bikash Tripura aro Jabarang Language Developmentni chaitokmani bai Bangladeshni khorokba katal jorani koklopnairokni thainchakhlai suijak Tripura koklop bijap "KHAPANGNI KHORANG" karegoi rojakkha. 

Je khorokba katal jorani koklopnairokni koklop bijap karejakkha bok ongkha- Lalita Boisnob Tripura,  Chupanti Tripura, Saparshi Tripura, Joy Prakash Tripura aro Tarun Bikash Tripura.

I katal bijap karema panago rwngkrwng Professor Pabitra Sarkar, suikrwng Mathura Bikash Tripura, suikrwng Borendra Lal Tripura song thangoi majakkha. Bini badebo i koklop bijap daiyo suinairokbo thangoi majakkha. 

Bangladesh hagarago Tripura dophani amani kokni hamkraini bagoi suikrwng Mathura Bikash Tripura aro Jabarangni ibotwi chaitokmani ibo barikhlai khatongjaknai aro khaphurjaknai samwng batang.