10 January 2023, Gondatwisa: Thangnai 6 January 2024, phurung jorago Gondatwisa Sub-Divisionni Karna Kishore Roaja Parani hukbar khlai chan...
10 January 2023, Gondatwisa: Thangnai 6 January 2024, phurung jorago Gondatwisa Sub-Divisionni Karna Kishore Roaja Parani hukbar khlai chanai takhuk Bikram Singh Tripurani nok achamitini khamgwi thangjamanibai tongthainok krwi, chathai-lwngthai krwi barikhlai biyalgo klaijak. Bini basa cheraibo khoroktham tongo. Tma khlainai khlaiya, mwngsa pala malaijakya ongoi tonglaijak. Ibotwi jwngjalni jorago koktma manmani loge loge takhuk Bikram Singh Tripurani nukhungo thangoi bachathangka Tripura Swrwngnai Buthu.
Tripura Swrwngnai Buthu, Gondatwisa College, Gondatwisa Divisional Committee, Central Committee aro khaganang lukurokni yak chubachu bai, nok-hok khamjakjak takhuk Bikram Singh Tripurani nukhungoi thangoi chubagoikha thangnai 8 January 2024 salmarigo.
I chubamwngo tongo ri kutung, mairung, cherairokni srwngmwng mandwi-khundwi, chajaknai-lwngjaknai aro nukhungo nangmani mandwi-khundwirok.
No comments