9 December 2023, Khumulwng: TTAADC hapangni kokthum-hukumu aro beraikhiri tangbedekni chaitokmani bai takhlai poila ‘TIPRA Idol 2023’ batai...
Iboni olo thangnai 4 December salmarigo khorokchidok batainairokno lagwi Theatre Round songchajakkha. Theatre Round
daiyo batainairokni bisingo tongwk Sarati Koloi, Meheli Debbarma, Ishita Tripura, Rahel Koloi, Mamita Debbarma, Susmita Debbarma, Rupes Debbarma, Basrang Debbarma, Ratna Jamatia, Priya Jamatia, Sabita Debbarma, Bandana Noatia, India Jamatia, Shilpana Debbarma, Angelene Hrangkhawl aro Kosojoy Reang.
Iboni olo khorok chi batainairokno lagwi tini 8 December salmarigo songcha-jakkha Semi Final Round. Semi-Final Roundgo batainai khorokchirok ongkha Mamita Debbarma, Rupes Debbarma, Sarati Koloi, Basrang Debbarma, Susmita Debbarma, Meheli Debbarma, Rahel Koloi, Priya Jamatia, Ishita Tripura aro Kosojoy Reang.
Bokni bisingo judgerok aro TIPRA IDOL songchanairokni kokchaplaimwng bai Top-5 ebakhlai khorokbani jegago khoroksni batainairokno Final Roundni bagoi saiywi
lajakkha. Tmwi hinba khoroktam batainairokni bisingo score baksa baksa ongmani bagoi bok khoroktamnobo Final Roundgo larwgoi rojakkha.
Final Roundni bagoi saiywi larwkjak khoroksni batainairokni bisingo tongwk- Meheli Debbarma, Priya Jamatia, Susmita Debbarma, Ishita Tripura, Rupes Debbarma, Rahel Koloi aro Basrang Debbarma.
Tini Semi Final Roundni bataimwng daiyo TTAADCni CEM Purna Chandra Jamatia phaiywi majakkha aro i batai-mwng songchamani rwgwi lukurokni daiyo bari nangmani kok kwcharkha. Bini badebo TTAADCni EM songbo i bataimwngni panago phaiywi majakkha.
Poila TIPRA IDOL 2023 bataimwngo judge ongoi achoknairokni bisingo tongwk Hemanta Kr. Jamatia, Satya Ranjan Debbarma, Tarubala Debbarma, Arun Debbarma, Kwplai Jamatia, Sarat Reang.
Haste beremni i bataimwngni panago naithotok khlai kokmithingka Milton Debbarma.
Final Round songchajaknai Khumulwng Stadium daiyo.
No comments