24 December 2023, Agartala: achamitini miya diphrwk jora atlogo hasteni kebengnai bodolni ojama Animesh Debbarmani Assemblyni habanogo Tipra...
tabokbo sraichayakho!
Tmwi hinba Lok Shaba chongbarini sakango Tipra Motha BJP bodol bai aphak ongoi thangsinaipho, Tipra Mothano khoroktam montri ronaipho, montriokra yakchu ronaipho ibotwijati koktma uaire-uai koktma bobak ongoi koktma auaimwngo kasajak.
Iboni bisingo tini hapangni habanok habalengkhoma tongmani jorago achamitini Tipra Mothani MLArok hasteni kebengnai bodolni ojamani habanogo kuthunglaimani ibo tabok swngmwngni sakago arobo swngmwng kasajak. I kuthunglaimwngo Tipra Mothani khorokchitham MLAni bisingo MLA Brishaketu Debbarma, MLA Ranjit Debbarma aro MLA Chitta Ranjan Debbarma bok khoroktamno phaimani nujakliya. Phai majakjak MLArokni bisingo tongo Subode Debbarma, Philip Reang, Pathan Lal Jamatia, Manab Debbarma, Sanjoy Manik Tripura, Paul Dabgshu, Swapna Debbarma, Nandita Debbarma Reang aro Biswajit Koloi.
Tiprasani hamkrai aro Tipra Mothani hamkraini bagoi i kokchaplaimwngo chorok MLA rok majakni nangsokmani. Mator bok khoroktam MLA phai sopailiyani arobo swngmwng kasajak, TIPRA Mothani MLArokni bisingo kisamisa kha koilaimani de tongkhna Tipra Mothani chorok MLA bobagrani kokno yaisi kongsa bayatwikhlaide manelaikhna?
Phainai 5 January maising jorani Assemblyni Session songchajaknai hinoi saklaijak. Iboni sakangode TIPRA Motha BJP bodol bai aphak ongoi hapango achokno? Lok Sabha chong-barini sakangode ongno, ibo tabok lukurokni khugo khugo swngmwng achaijak. Lukurok khorang tisalaijak Tiprasarok baiphu phiyokjakno?
No comments