Tini TSF Town Committeeni Kokchaplaima Pana Songchajakkha

Nokphang November 04, 2023 Tripura

4 November 2023, Agartala: TSF srwngnai bodol Tiprasani hukumu-mukumuno rwngoi larwknani aro kaisa amchai bai aro kaisa amchaini srwngnairo...

4 November 2023, Agartala: TSF srwngnai bodol Tiprasani hukumu-mukumuno rwngoi larwknani aro kaisa amchai bai aro kaisa amchaini srwngnairokno malaironani, sinirolainani bagoi bisipoti freshers meet pana songchagoi tongo.

Takhlaibo thamchibrwi beremni Tiprasa rwngsrwngnairokno lamjoma pana ebakhlai freshers meet pana songchajaknai. Phainai freshers meet panano gamkrwngkhlai charogoi tisani bagoi tini TSF, Town Committeeni kaisa kuthunglaimwng kokchaplaima pana songchajakkha Agartala Palace Compoundgo.

I kokchaplaima panago phai majakkha TSF Chief Advisor Bishu Kumar Debbarma, TSF Central Committeeni twiphang Samrat Debbarma, Chief Organizer Secretary Bibash Debbarma, Publicity & Information Secretary Brigoram Tripura, TSF Town Committeeni twiphang Satyajit Debbarma, tangphang yakchu Madhabi Jamatia song.

No comments

Subscribe to: Post Comments (Atom)