24 November 2023, Agartala: miya JANAJATI SURUKSHA MANCH aro Shanti Bikash Chakmani bwmwngoi complaint khlaijakmani koktma kasai phaika. Sat...
Satai klaiywk, thangnai 19 November 2023 salmarigo JANAJATI SURUKSHA MANCHni ongoi Agartala Press Clubgo koktmathungnai pana ringoi Scheduled Tribesni bisingo Christian tongkatharno paitoknairokni ST Status cancel khlainani ongthwk hinoi khorang tisagwi phainai 25 December 2023 salmarigo Agartala doligo kaisa gara khlai luku kuthunglaimwng pana songchajaknai hinoi saklaiywk.
Bokni ibotwi koktmathungnai pana ringoi Scheduled Tribesni bisingo Christian tongkathar paitoknairokn ST Status cancel khlaironani bagoi khorang tisagwi lukukuthungmwng songchanani saklaimani bai hasteni Scheduled Tribes Christianrokni bisingo uanama, krima haplainani chengkha.
Ibo simingya, Scheduled Tribes Christian bai Non-Christian Scheduled Tribesni bisingo ualai-soklai khlaironani, thainchano swkaknani naiywk hinoi tabok JANAJATI SURUKSHA MANCHni sakago silchamwng twbwiywi khorang tisalaimani nujakkha.
Tini JANAJATI SURUKSHA MANCH aro Shanti Bikash Chakmani bwmwngoi TTAADC hapang aro West Agartala Police Station daiyo complaint khlaika Jirania Dasharam Kamini John Debbarma. John Debbarma TSFni kacham tangphang hinoi koktmago sagwi majakkha.
Ijang Shanti Bikash Chakma ongkha TTAADC hapangni Head Clerk achokthai daiyo sebok khlainai khorokcha. Dhalai hangkorni Ganganagar RD Block daiyo bini sebok khlaimani thai. Bo khorokcha hapangni sebok khlainai ongoi ibotwikhlai tongkatharni bwmwngoi thainchani halokno swbaina naimani bai TRIPURA CIVIL SERVICES (CONDUCT) RULES, 1988 kerong raida sbaikha hinoi silchamwng twbwiywi TTAADC hapangni daiyo complaint khlaika aro kabangma IPC ni section thepagwibo West Agartala Police Station daiyobo FIR khlaijakkha.
No comments