Tipra Mothani Mega Mass Gatheringo Phai Majaknai Meghalayani Montriokra Conrad K Sangma

Nokphang October 13, 2023 Tripura

13 October 2023, Khumulwng: khna Khumulwngo songchajakni thangoi tongdok Tipra Mothani Mega Mass Gathering. Tiprasani mwthangjaknani bagoi G...

13 October 2023, Khumulwng: khna Khumulwngo songchajakni thangoi tongdok Tipra Mothani Mega Mass Gathering.

Tiprasani mwthangjaknani bagoi Greater Tipraland aro Constitutional Solution bimwngni khorangno thainchakhlai Bharatni hagara hapangni khunjugo kasokroni bagoi khna Tipra Mothani chaitokmani bai Khumulwngni Syndicate Ground daiyo songchajaknai Tipra Mothani Mega Mass Gathering.

Tipra Mothani i Mega Mass Gathering panago hani bobagra Pradyot Kishore Manikyani loge phaiywi sopainai Tipra Mothani ojamarok, MLA, EM, LoP, MDC song.

Bokni badebo i Mega Mass Gathering panano arobo mwchangroni gotheroni bagoi chorokni baskango phaiywi majaknai Meghalaya hasteni montriokra Conrad K Sangma.

Khnani i Mega Mass Gathering panano jai-jaikhlai samwng charogoi tisani bagoi Tipra Mothani sengkrakrok thuya-chaiya khlai samwng tangoi tonglaiywk.

No comments

Subscribe to: Post Comments (Atom)