TSBni Kokmalaima Panago Gondatwisa Divisional Committee Khajakkha

25 September 2023, Gondatwisa: miya Tripura Swrwngnai Buthu, Gondatwisani chaitokmani bai Gondatwisa Class XII School Cultural Hallgo kaisa ...

25 September 2023, Gondatwisa: miya Tripura Swrwngnai Buthu, Gondatwisani chaitokmani bai Gondatwisa Class XII School Cultural Hallgo kaisa kokmalaima pana songchajakkha.

TSBni I kokmalaima panano chengoi rokha Tripura Chubalai Buthu, Central Committeeni tangphang Taranisen Tripura.

Panago aro naruai ongoi phai majakkha Tripura Chubalai Buthu, Advisory Committeeni kasku ebakhlai kacham MLA machang Dhananjoy Tripura, Tripura Swrwngnai Buthu, Central Committeeni tangphang Samir Tripura, Tripura Chubalai Buthu, Gondatwisa Moyalni twiphang Ramjoy Tripura, TSB Agartala Committeeni kacham adong Kharanjoy Tripura song.

Bokni badebo I kokmalaima panago TSB, Udaipur College Committeeni twiphang Nakul Tripura, TSB Gondatwisa College Committeeni kacham twiphang Jyotish Tripura,  TSB Tripura University Committeeni twiphang Drupenjit Tripura, TSB Tripura University Committeeni tangphang Natinjoy Tripura song.

Panago phaiywi majakjak naruairok TSB tmwi khanani nangkha, tmani khlaini nangkha aro TSBni samwng-homwngrokno lagwi nangmani kokmalama sagwi khanarokha. Ibo simingya, dopha hamkraini bechepgo TSB bobo haiklai samwng tangoi phaika aro Tripura dophani hoda-hukumu, kok-kokrabai rokno rwngoi mwthangoi larwkthani TSB jora kalokma rwngoi samwng tangoi phaimaninobo sukrugwi sagwi khanarokha.

Panani achokphang ongoi achokkha TSB Gondatwisa College Committeeni twiphang-yakchu Manabendra Tripura.

Panago chorokni gosemwng bai ‘Gondatwisa Divisonal Committee’ bwmwngoi TSBni kaisa katal committee khajakkha bisinoi jorani bagoi. Aro TSB Gondatwisa College Committeeni kacham committee sabaiywi katal committeebo khajakkha.

I kokmalaima panago Tripura dophani kabangma rwngsrwngnai, dophano hamjaknai lukurok phai majakkha.