Songrongma Ter Rwgwi Khagam Yapharka TTAADCni Achokphang Jagadish Debbarma bai CEM Purna Chandra Jamatia

Nokphang September 11, 2023 Tripura

11 September 2023: sirisitini Songrongma Ter rwgwi TTAADC hapangni bwkhaktwi hasteni lukurokno kham gam yapharka. Kaisa auaimwng balaini b...

11 September 2023: sirisitini Songrongma Ter rwgwi TTAADC hapangni bwkhaktwi hasteni lukurokno kham gam yapharka.

Kaisa auaimwng balaini bisingtwi TTAADCni achokphang Jagadish Debbarma phainai 14 September salmarigo Songrongma Ter rwgwi chorokno kha kuphur bai hambai yapharka. I terni bisingtwi chorok tongkatharni mari aro khorokcha bai khorokcha kathalaimani halok raknai hinoi khakago.

I ter rwgwi TTAADC hapangni chariphang adong okra Purna Chandra Jamatia aro kokthum hukumu tangbedekni chariphang adong Suhel Debbarmabo lukurokno khagam aro hamjakma yaphargo.

No comments

Subscribe to: Post Comments (Atom)