YIPFT-ni AGS Chongprengsa Tripura Tipra Mothani Bana Rwngkha

2 February 2023, Raishyanokthai: 44-Raima Valley Assembly chongbari achokthai daiyo Tipra Mothani batainai ongkha Nandita Debbarma Reang. Ti...

2 February 2023, Raishyanokthai: 44-Raima Valley Assembly chongbari achokthai daiyo Tipra Mothani batainai ongkha Nandita Debbarma Reang. Tini bono lagwi chongbarini auaimwng khlaika Tipra Motha Raishyanokthai Sectorni bwkhaktwi.

I panago bobagrani thaincha aro Greater Tipraland bimwngni hamjagoi IPFT bodol yakagwi Tipra Mothani bana rwngphaika Chongprengsa Tripura. Chongprengsa Tripura ongkha Youth IPFT Central Committeeni tangphang yakchu tongmani.

Bono bodolni bana rwngrogoi bodolgo lamjokha TTAADC-ni EM Rajesh Tripura, batainai Nandita Debbarma Reang aro Tipra Motha Raishyanokthai Sectorni ojamarok.

EM Rajesh Tripura saka, bobagrano loge ronani bagoi IPFT bodol yakagwi Tipra Mothani bana rwngphaimani bagoi khabai khukbai lamjogo. Chwng chaitoklainai chini jeswk pharisak i amchaini bono kosol chobani sengkrakrokno chini i chobago twbwiphainai. Chwng Ganganagarni siming Raishyanokthai jora thangya, chorok amchai kairwichinoi Assembly chongbari achokthai daiyo campaign khlainai kaplai khlaini bagoi. Greater Tipralandni chobano arobo krak khlaiywi, klaisa khlai manani bagoi chini constitution solution braikhlai khlaimanai ibono chwng chaitoklainai.