11 February 2023, Sabroom: chongbarini sal jeswk smarwrwk political bodolni auaimwngno iswkno bangrorwk ongoi phaiywk. Ibotwi jorago kaisani...
11 February 2023, Sabroom: chongbarini sal jeswk smarwrwk political bodolni auaimwngno iswkno bangrorwk ongoi phaiywk. Ibotwi jorago kaisani kaisa yaisi sengcha yakagwi kok saya. Je bodol jeswkphari lukurokni daiyo gam kok pirmanai auaimanai o bodolno lukurok khaphurjaknai.
CPI(M) bodol hapangni achokthai kmajakphabo lukurokni daiyo tabokbo hamjakma magwi tongwk. Jephuni siming machang Jitendra Chaudhury CPI(M) Tripura State Secretary achokthaini barja yago lakha aiphuni siming hapangni kebengnai bodolgo tongwibo tlwk tlwk arouaisa lukurokni jabwini hamjakmano pherogwi manani chengkha.
Jeni yaktwi CPI(M) bodol arouaisa kwthang ongoi bachakha bonono takhlai 40-Sabroom achokthai daiyo batainani ticket rogoi CPI(M) bodolno arouaisa hapango achokronani chaitoklaiywk tongwk.
Salcha sal koroya CPI(M)ni Lukuauaimwngo thangoi majagwi Tripura hani lukuchongraidano arouaisa pherogwi twbwini bagoi CPI(M) bodolno vote rogoi kaplai khlaini bagoi lukurokno kok kwchargwi tongwk CPI(M) Tripura State Secretary ebakhlai 40-Sabroom achokthai daiyo batainai machang Jitendra Chaudhury.
Tinibo bini chongbari achokthani Sonai Hatigo chongbarini lukuauaimwngo thangoi majakkha machang Jitendra Chaudhury.
Lama, lampra, nokhla, hachwk-hatai jerophabo ongthwk machang Jitendra Chaudhuryni lukuauaimwng hinklai o daiyo lukurokni kuthungmwng bangnaino bangnai. Lukurokni hamjakmwng tabokbo tongkhwk CPI(M) aro machang Jitendra Chaudhuryni sakago.
No comments