SIKKIMGO INNER LINE PERMIT PHNANGNI BAGOI KHAJAKKHA COMMITTEE

7 February 2023, Gangtok:  North East Indiani Sikkim hagirago Inner Line Permit (ILP) phnangni bagoi khajakkha kaisa committee. Thangnai 4 F...

7 February 2023, Gangtok: North East Indiani Sikkim hagirago Inner Line Permit (ILP) phnangni bagoi khajakkha kaisa committee.

Thangnai 4 February 2023 salmarigo Sikkim hagirani Home Departmentni siming No.04/Home/2023 kaisa notification blai karegwi Sikkim hagirago Inner Line Permit phnangni bagoi naiphilnani kaisa committee khajakkha.

Sikkim hapangni habayakajak Secretary Shri Shanta Pradhanno achokphang snamgoi khorokchuku adongni kaisa committee khajakkha. Aro Sikkim hagirani Sakgam aro Nukhung Hamkrai Bedekni (Health & Family Welfare Department) Secretary Shri Tshewang Gyachhono i committeeni Member Secretary snamjakkha.

I committe daiyo tongnai aro khoroksni adongrok ongkh- 1. HCMni Political Advisor Shri T.N Dhakal, 2. Education Departmentni Advisor Shri M.P Subba, 3. Sikkim hapangni habayakajak IAS, Secretary Miss Sarala Rai, 4. Sikkim hapangni habayakajak IFS, Secretary Shri Y.P Gurung, 5. Sikkim hapangni habayakajak IES, Secretary Shri S.D Tshering, 6. Gangtok daiyo tongnai Shri Passang Gyali Sherpa, 7. Home Departmentni Secretary Smt. Tashi Cho Cho.

I committee Sikkim hagirago Inner Line Permit phnangni bagoi tma tma raidarok nang nangya, North East Indiani Inner Line Permit phnangjak Arunachal Pradesh, Manipur, Meghalaya, Mizoram aro Nagaland daiyo thangoi kokbiti lanani bagoibo sajakkha. 

I notification karejakmani nokha talsani bisingo report yapharnani bagoi sajakkha.